فوتو: سۇلتان سەيتوۆ
تۋرنير «جاس باتىر» سپورت كەشەنىندە ءوتتى. كوللەدج ستۋدەنتتەرى پۋلەمەتتى قۇراستىرۋ جانە بولشەكتەۋ, گازقاعار مەن قورعانىش كيىمىن كيۋ, 100 مەتر جانە 2 شاقىرىمعا جۇگىرۋ, وتجيمانيە, قول كۇرەس, گىر كوتەرۋ, تۋرنيككە تارتىلۋ جانە ارقان تارتۋ بويىنشا باسەكەگە ءتۇستى.
ء«بىز ستۋدەنتتەر اراسىندا پاتريوتتىق رۋحتى تاربيەلەۋ, ولاردىڭ دەنە شىنىقتىرۋىن تەكسەرۋ جانە سپورتپەن شۇعىلدانۋعا قىزىعۋشىلىقتى ارتتىرۋ ءۇشىن تۋرنير وتكىزەمىز. وعان م.جۇماباەۆ اتىنداعى حالىقارالىق جوعارى كوللەدجدىڭ, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى كوللەدجى, تەحنيكالىق كوللەدج, سەرۆيس جانە تۋريزم كوللەدجى, كولىك جانە كوممۋنيكاتسيا جوعارى كوللەدجى, سونداي-اق اۋداننىڭ باسقا وقۋ ورىندارىنىڭ ستۋدەنتتەرى قاتىسادى», دەدى ۇيىمداستىرۋشىلار.
ايتا كەتەرلىگى, اسكەري جارىستىڭ جالعىز قاتىسۋشىسى, قىزمەت كورسەتۋ جانە تۋريزم كوللەدجىنىڭ ەكىنشى كۋرس ستۋدەنتى وكسانا سوروكينا اۆتوماتتى 15 سەكۋندتا بولشەكتەپ, ونى 35 سەكۋندتا جيناپ ۇلگەردى.
«مۇنداي بايقاۋعا شاقىرۋدى قۋانا قابىلدادىم. ارمرەستلينگ پەن گىر كوتەرۋ سپورت تۇرلەرىنە قاتىسامىن. مۇمكىن جۇلدە ۇتىپ قالارمىن. كوبىنەسە سپورت الاڭدارىندا جاتتىعامىن. قازىر جاتاقحانادا تۇرامىن. جاتتىعۋعا جاتاقحانادا بىرگە تۇراتىن سەرىگىممەن شىعامىن», دەدى بايقاۋعا قاتىسۋشى, ەۇۋ كوللەدجىنىڭ ستۋدەنتى كيريلل ياششەنكو.
ءىس-شارا قازاقستان رەسپۋبليكاسى ۇلتتىق ۇلانىنىڭ قولداۋىمەن ۇيىمداستىرىلدى. كەزدەسۋ بارىسىندا اسكەري قىزمەتكەرلەر قويان-قولتىق ۇرىس بويىنشا شەبەرلىك سىنىبىن كورسەتتى.
تۋرنير اياقتالعاننان كەيىن ۇزدىك كوماندالار مەدالدارمەن جانە ديپلومدارمەن ماراپاتتالدى.
