فوتو: gov.kz
باتىس قازاقستان وبلىسىنىڭ ءتورت ءىرى سۋ قويماسى 93%-عا تولدى. بارلىعى شتاتتىق كەستەگە سايكەس جۇمىس ىستەپ تۇر. ايماقتا سۋ تاسقىنىنىڭ ەكىنشى كەزەڭى جالعاسىپ جاتىر.
ورال قالاسىنداعى جايىق وزەنىنىڭ دەڭگەيى - 768 سم, ول ءبىر تاۋلىكتە 6 سم-گە تومەندەدى.
اقمولا وبلىسىنداعى ەكى ءىرى سۋ قويماسى 100%-عا تولى. ەكى نىسان دا شتاتتىق كەستەگە سايكەس جۇمىس ىستەپ تۇر. وڭىردە سۋ تاسقىنىنىڭ بەلسەندى كەزەڭى ءوتتى. استانانىڭ قورعانىس بوگەتىنەن ەسىل وزەنىنە تاۋلىگىنە 4,32 ملن تەكشە مەتر سۋ جىبەرىلەدى.
سولتۇستىك قازاقستان وبلىسىنداعى 2 ءىرى سۋ قويماسى 100%-عا تولى. ەسىل وزەنىندە سۋ تاسقىنىنىڭ ەكىنشى كەزەڭى جالعاسۋدا.
پەتروپاۆل قالاسى شەگىندەگى ەسىل وزەنىنىڭ دەڭگەيى - 1088 سم. ول ءبىر تاۋلىكتە 8 سم-گە تومەندەدى.
«اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 95%. ەكى نىسان دا شتاتتىق كەستەگە ساي جۇمىس ىستەيدى. ايماقتا سۋ تاسقىنىنىڭ بەلسەندى كەزەڭى ءوتتى. ال شىعىس قازاقستان وبلىسىنداعى ەكى ءىرى سۋ قويماسى بويىنشا ورتاشا سۋ جيناۋ كورسەتكىشى 84,6%.
اباي وبلىسىندا ءشۇلبى سۋ قويماسى 53,2%-عا تولدى. ەرتىس كاسكادىنىڭ بارلىق سۋ قويمالارى شتاتتىق رەجيمدە جۇمىس ىستەپ تۇر», دەلىنگەن مينيسترلىك حابارلاماسىندا.
سونداي-اق 10 ساۋىردە باستالعان ءشۇلبى سۋ قويماسىنان ەرتىس وزەنىنە سۋ وتكىزۋ بارىسىندا 6,7 ملرد تەكشە مەتر سۋ جىبەرىلدى.
قاراعاندى وبلىسىندا 3 ءىرى سۋ قويماسى 99%-عا تولى. ولاردىڭ بارلىعى شتاتتىق كەستەگە ساي جۇمىس ىستەپ جاتىر. ايماقتا سۋ تاسقىنىنىڭ بەلسەندى كەزەڭى ءوتتى.
قوستاناي وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى - 92%.
«سۋ قويمالارىندا «قازسۋشار» ماماندارىنىڭ كەزەكشىلىگى جانە سۋ شارۋاشىلىعى جاعدايىنىڭ مونيتورينگى ءجۇرىپ جاتىر. سۋ قويمالارىندا جينالعان سۋ اۋىل شارۋاشىلىعى مەن ونەركاسىپتە پايدالانۋ ءۇشىن جىبەرىلەدى», دەپ قوستى مينيسترلىك ءباسپاسوز قىزمەتى.
