فوتو: اقتوبە وبلىسىنىڭ پد
قايعىلى وقيعا 9 مامىردا بولعان. سامارا-شىمكەنت تاس جولىندا ءبىر باعىتتا كەلە جاتقان ۆاز جەڭىل كولىگى مەن MAN جۇك كولىگى سوقتىعىستى. كولىكتە ىرعىز وبلىسىنىڭ تۇرعىندارى بولعان, جۇك كولىگىن شەتەلدىك ازامات باسقارعان.
«اپات سالدارىنان كولىك جۇرگىزۋشىسى مەن ونىڭ ەكى جولاۋشىسى قازا تاپتى. جول-كولىك وقيعاسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. پوليتسيا دەپارتامەنتى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا شاقىرادى», دەپ حابارلادى وبلىستىق جول پوليتسياسى باسقارماسى ءباسپاسوز قىزمەتىنىڭ جەتەكشىسى ەربولات سارقۇلوۆ.
كولىكتەگى ەكى - ادام ەرلى-زايىپتىلار. ەكەۋى دە ىبىراي التىنسارين اتىنداعى ورتا مەكتەپتە جۇمىس ىستەگەن. ءبىر جولاۋشى دەنە شىنىقتىرۋ مۇعالىمى, ەكىنشىسى باستاۋىش سىنىپ مۇعالىمى بولعان. ال قايتىس بولعان ءۇشىنشى ادام – اۋداندىق ءماسليحاتتىڭ دەپۋتاتى, مال دارىگەرى.
وبلىس اكىمدىگىنىڭ ءباسپاسوز قىزمەتىنەن حابارلاعانداي, جول-دارىگەرلىك قۇتقارۋ بەكەتى مەن №12 ءورت ءسوندىرۋ بەكەتىنىڭ قىزمەتكەرلەرى ارنايى قۇرالدىڭ كومەگىمەن كولىكتە تۇرىپ قالعان ەكى ادامدى شىعاردى. ءبىر ادام جەدەل جاردەممەن اۋداندىق اۋرۋحاناعا جەتكىزىلدى, بىراق ساعات بەستە قايتىس بولدى.
