فوتو: ult.kz
اتىراۋ وبلىسى جەدەل شتابىنىڭ مالىمەتىنە سۇيەنسەك, ماحامبەت جانە سارىتوعاي اۋىلى ارالىعىن جالعايتىن جول جىرىلعان.
«ماحامبەت اۋداندىق توتەنشە جاعداي جونىندەگى شتابتىڭ شەشىمىمەن سۋ دەڭگەيىن ازايتۋ ماقساتىندا ماحامبەت پەن سارىتوعاي اۋىلى ورتاسىنداعى جول جىرىلىپ, قاتىناستى ۋاقىتشا توقتاتۋعا شەشىم قابىلداندى. ارنايى تەحنيكالاردىڭ كومەگىمەن اۋىلارالىق جول بۇزىلىپ, ۇزىندىعى 11 مەتر, ەنى 1,5 مەترلىك 2 دانا قۇبىر تۇرباسىن سالۋ جۇمىستارى جۇرگىزىلدى. وسىعان بايلانىستى, جول قاتىناسى ۋاقىتشا توقتاتىلىپ, اۋىل تۇرعىندارىنا جاعداي تولىقتاي ءتۇسىندىرىلدى», دەپ حابارلادى ماحامبەت اۋدانىنىڭ اكىمى قايرات نۇرلىباەۆ.
اكىمنىڭ مالىمەتىنشە, ەكى اۋىلدىڭ اراسىنداعى جولدىڭ ۇزىندىعى – 5 شاقىرىم. ماحامبەت جانە سارىتوعاي اۋىلدارىندا 12 924 ادام تۇرادى.
