ء«بىز 9 مامىردا بەيبىت ءومىر مەن تىنىشتىقتى قورعاۋ جولىندا قۇربان بولىپ, مايدان دالاسىنان قايتپاي قالعان باتىرلارىمىزدىڭ رۋحىنا تاعزىم ەتەمىز. سوعىس جانە تىل ارداگەرلەرىنە شەكسىز ريزاشىلىق ءبىلدىرىپ, ايرىقشا قۇرمەت كورسەتەمىز», دەلىنگەن پرەزيدەنت قۇتتىقتاۋىندا.
مەگاپوليس باسشىسى اعا بۋىننىڭ ەكىنشى دۇنيەجۇزىلىك سوعىس كەزىندەگى ەرلىگى مەن ەڭبەگى وسكەلەڭ ۇرپاق ءۇشىن قايسارلىقتىڭ, جانقيارلىقتىڭ جانە وتانشىلدىقتىڭ وزىق ۇلگىسى بولىپ قالاتىنىن ايرىقشا اتاپ ءوتتى.
ء«بىز جەڭىستىڭ قۇندىلىلىعىن ەشقاشان ۇمىتپايمىز جانە بوستاندىق ءۇشىن قازا تاپقان باتىرلاردىڭ جارقىن جادىنا تاعزىم ەتەمىز. سىزدەردىڭ بويلارىڭىزداعى ەرلىك پەن ۇلى رۋح, باتىلدىق پەن باتىرلىق بولاشاق ۇرپاق ءۇشىن تاباندىلىق پەن ءپاتريوتيزمنىڭ لايىقتى ۇلگىسى بولىپ تابىلادى», دەدى عابيت سىزدىقبەكوۆ.
عاسىر جاساعان قارت مايدانگەرلەر شەكسىز ريزاشىلىقتارىن ءبىلدىرىپ, شىنايى العىسىن جەتكىزدى.
ايتا كەتەيىك, بۇگىن شىمكەنتتە جەڭىس مەرەكەسى ايرىقشا سالتاناتىمەن اتالىپ ءوتتى. عابيت سىزدىقبەكوۆ سوعىس ارداگەرلەرىمەن بىرگە «داڭق مەموريالىنا» گۇل شوعىن قويىپ, ۇلى وتان سوعىسى جىلدارىندا قازا تاپقان جاۋىنگەرلەردىڭ رۋحىنا تاعزىم ەتتى.
شاھار تۇرعىندارى دا «ماڭگىلىك الاۋ» مونۋمەنتىنە گۇل شوقتارىن قويىپ, مارقۇمداردى ءبىر مينۋت ۇنسىزدىكپەن ەسكە الدى.
وسى رەتتە ايتا كەتەيىك, قالا اكىمى عابيت سىزدىقبەكوۆتىڭ تىكەلەي ۇسىنىسىمەن جەڭىستىڭ 79 جىلدىعىنا وراي ۇوس ارداگەرلەرىنە كورسەتىلەتىن كومەك كولەمى 1 329 120 تەڭگەدەن 2 000 000 تەڭگەگە دەيىن ارتتىرىلدى. سونداي-اق ۇوس ارداگەرلەرىنە تەڭەستىرىلگەن ازاماتتارعا 166 140 تەڭگە تولەندى. بۇعان دەيىن ولار 132 مىڭ تەڭگە العان.
تىل ەڭبەككەرلەرىنە دە ماتەريالدىق كومەك كورسەتىلدى. وتكەن جىلى ولارعا 41 400 تەڭگە تولەنسە, بيىل بۇل سوما 55 380 تەڭگەگە ۇلعايتىلدى.
