كوميتەت توراعاسى اندرەي لۋكين كەزدەسۋ بارىسىندا قازاقستان مەن تايلاند اراسىندا سەنىمدى ساياسي ديالوگ ورناعانىن, بەرىك ساۋدا-ەكونوميكالىق جانە مادەني بايلانىستار قالىپتاسقانىن اتاپ ءوتتى.
ء«بىز ەكى ەلدىڭ زاڭ شىعارۋشى ورگاندارى دەڭگەيىندە ءوزارا ءىس-قيمىلدىڭ جوعارى قارقىنىن ساقتاۋعا ءتيىسپىز. پارلامەنتارالىق ىنتىماقتاستىق ەكىجاقتى قارىم-قاتىناستىڭ اجىراماس بولىگى بولىپ تابىلادى جانە ءبىز تاي ارىپتەستەرىمىزبەن زاڭنامالىق تاجىريبە الماسۋعا مۇددەلىمىز. ءبىز سونداي-اق ازياداعى ءوزارا ءىس-قيمىل جانە سەنىم شارالارى جونىندەگى كەڭەس جانە ازياداعى ىنتىماقتاستىق جونىندەگى ديالوگ سياقتى وڭىرلىك الاڭدار اياسىنداعى ىنتىماقتاستىققا باسا نازار اۋدارىپ وتىرمىز», دەدى اندرەي لۋكين.
قاتىسۋشىلار سونىمەن قاتار الەمدىك جانە ءداستۇرلى دىندەر ليدەرلەرى سەزىنىڭ ءرولىن دە تالقىلادى. بۇل الاڭ 2003 جىلدان باستاپ قازىرگى الەمنىڭ وتكىر ماسەلەلەرىن شەشۋدە بارلىق ەلدىڭ رۋحاني كوشباسشىلارىنىڭ كۇش-جىگەرىن بىرىكتىرۋ مەن دىنارالىق ديالوگتىڭ تانىلعان تۇعىرناماسىنا اينالعانى اتاپ ءوتىلدى. اندرەي لۋكين الەمدىك جانە ءداستۇرلى دىندەر ليدەرلەرى سەزىنىڭ جۇمىسىنا تايلاند وكىلدەرىنىڭ بەلسەندى قاتىسقانى ءۇشىن ارىپتەستەرىنە العىسىن ءبىلدىردى.
تايلاند پارلامەنتى سەناتىنىڭ قارۋلى كۇشتەر جانە مەملەكەتتىك قاۋىپسىزدىك كوميتەتىنىڭ توراعاسى بۋنسرانگ نيۋمپراديت ءوز كەزەگىندە قازاقستاندا جۇرگىزىلگەن ساياسي رەفورمالاردىڭ جوعارى دەڭگەيىنە توقتالدى جانە پارلامەنتارالىق ىنتىماقتاستىقتى ودان ءارى دامىتۋدىڭ ماڭىزدىلىعىن اتاپ ءوتتى.
