فوتو: سۋ رەسۋرستارى جانە يرريگاتسيا مينيسترلىگى
جاقىن ارادا جايىق-كوشىم سۋارۋ جۇيەسىنە تاعى 200 ملن تەكشە مەتر سۋ جىبەرۋ جوسپارلانىپ وتىر. بۇل 65 مىڭ گەكتاردان استام شابىندىق جەرى مەن جازعى جايىلىمداردى سۋمەن قامتاماسىز ەتۋگە, سونداي-اق جۇيە بويىندا ورنالاسقان سۋ قويمالارىن تولتىرۋعا مۇمكىندىك بەرەدى.
سونداي-اق سوڭعى جىلدارى كەۋىپ قالعان باتىس قازاقستان وبلىسىنىڭ ەدىلسور, جالتىركول, بىرقازان, سوركول, سالتانات جانە باسقا دا سۋ ايدىندارىنا سۋ جىبەرۋ جۇمىسى ءجۇرىپ جاتىر.
«الداعى مىندەت - اۋىلشارۋاشىلىعى مەن ونەركاسىپتە ودان ءارى پايدالانۋ ءۇشىن تاسقىن سۋىن سۋ قويمالارىنا جيناۋ. كوپتەگەن ايماقتارداعى ءىرى سۋ قويمالارى 100% تولى, بىراق بۇل تولىپ كەتۋ جانە سۋ باسۋ قاۋپى بار دەگەندى بىلدىرمەيدى. نورمادان اساتىن سۋ قاۋىپسىز كولەمدە وزەندەر مەن كانالدارعا جىبەرىلىپ, اۋىلشارۋاشىلىعى مەن ونەركاسىپتە پايدالانىلادى», دەپ ءتۇسىندىردى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
