كوڭىل تولقىتقان كەزدەسۋ

كەشە «نەۆادا-سەمەي» يادرولىق جارىلىسقا قارسى حالىقارالىق قوزعالىس – قوعامدىق-ساياسي ۇيىم توراعاسىنىڭ ورىنباسارى سۇلتان كارتوەۆ «ەگەمەندە» قوناقتا بولدى. مەيماندى «ەگەمەن قازاقستان» رگ» اق-تىڭ پرەزيدەنتى ساۋىتبەك ابدراحمانوۆ باسىلىم ۇجىمىمەن تانىستىرا كەلە, ونىڭ «نەۆادا-سەمەي» قوزعالىسىنداعى بەلسەندى قىزمەتىن اتاپ كورسەتتى. كەزدەسۋدە س.كارتوەۆ ەلىمىزدىڭ يادرولىق قارۋعا قارسى كۇرەستە جەتكەن تابىستارىنا كەڭىنەن توقتالدى ءارى اتالعان قوزعالىسقا بارىنشا قولداۋ بىلدىرگەن تۇلعالاردى ەسكە سالدى. اسىرەسە, مەملەكەت باسشىسى نۇرسۇلتان نازارباەۆتىڭ يادرولىق قارۋدى تاراتپاۋدى ماقسات ەتكەن باتىل باستامالارىن كوڭىل تولقىتا وتىرىپ اڭگىمەلەپ بەردى. سونداي-اق, رەداكتسيا قوناعى اتالعان قوزعالىستى قۇرعان كورنەكتى ازامات ولجاس سۇلەيمەنوۆتىڭ دە ەرەن ەڭبەگىن, توككەن تەرىن جوعارى باعالايتىنىن ايتتى. باسقوسۋدا بەلگىلى جۋرناليست سۇلەي­مەن مامەت پرەزيدەنتتىڭ قازاقستاندى يادرولىق قارۋسىز ەلگە اينالدىرعانى كورگەندى ءىس بولعانىن جانە قوزعالىستى قۇرعان قايسار ازاماتتاردىڭ ەرلىگى ەل جادىنان وشپەيتىنىن جەتكىزدى. جيىن سوڭىندا س.كارتوەۆ جاقىندا عانا 95 جىلدىعىن تويلاعان باسىلىمنىڭ يادرولىق قارۋعا قارسى كۇرەستە ءاردايىم الدىڭعى شەپتەن كورىنىپ كەلە جاتقانىن ايتا كەلىپ, گازەت باسشىسى ساۋىتبەك ابدراحمانوۆتىڭ ومىراۋىنا «نەۆادا-سەمەي» قوزعالىسىنىڭ 25 جىلدىعىنا وراي تاعايىندالعان مەرەكەلىك مەدالدى تاقتى. سونداي-اق, جۋرناليست ءلايلا ەدىلقىزىنا ارنايى ديپلوم تابىستالدى. «ەگەمەن-اقپارات». سۋرەتتى تۇسىرگەن ەرلان وماروۆ.