ارقالىق-اقسۇڭقار اراسىندا سانيتارلىق رەيس ورىندايتىن Navigator اۆياكومپانياسىنىڭ ان-2 ۇشاعى اۋەگە كوتەرىلگەننەن كەيىن 16:10-دا اياق استىنان بيىكتىگىن بىردەن تومەندەتىپ, ەرىگەن قار سۋى جينالعان سۋ ايدىنىنا سىرعىپ ءتۇستى.
ۇشاق بورتىندا 2 ەكيپاج مۇشەسى جانە 3 جولاۋشى بولعان. بۇكىل جولاۋشىلار مەن ەكيپاج مۇشەلەرىن قوستاناي وبلىسىنىڭ توتەنشە جاعدايلار دەپارتامەنتى ارقالىق قالالىق اۋرۋحاناسىنا جەتكىزگەن.
الدىن الا مالىمەت بويىنشا, زارداپ شەككەندەر جوق. وقيعا ورنىنا كولىكتەگى وقىس وقيعالاردى تەرگەۋ دەپارتامەنتىنىڭ قىزمەتكەرلەرى جىبەرىلدى.
- اپاتتار مەن وقىس وقيعالاردى تەرگەپ-تەكسەرۋ قاعيداسىنا سايكەس بۇل اپات اۆياتسيالىق وقيعاعا جاتقىزىلادى جانە ونى ازاماتتىق اۆياتسيا سالاسىنداعى ۋاكىلەتتى ورگان تەرگەۋگە ءتيىس, - دەپ حابارلادى كولىك مينيسترلىگىنەن.
وقيعانىڭ ءمان-جايىن انىقتايتىن كوميسسيا قۇرىلدى. جاعدايدىڭ سەبەپتەرى انىقتالىپ جاتىر.
