فوتو: astana.gov.kz
2023 جىلدىڭ قورىتىندىسى بويىنشا مۇگەدەكتىگى بار ادامدارعا ينۆاتاكسي قىزمەتى 53,9 مىڭ رەت كورسەتىلگەنىن ايتا كەتۋ كەرەك.
ينۆاتاكسي قىزمەتىنىڭ ساپاسى مەن كورسەتۋ جىلدامدىعىن ارتتىرۋ ماقساتىندا ەڭبەكمينى اكىمدىكتەرمەن بىرلەسىپ وسى قىزمەتتىڭ تەتىگىنە وزگەرتۋ ەنگىزۋ تۋرالى شەشىم قابىلدادى. ماسەلەن, ازاماتتارعا قىزمەت الۋدان ءبىر كۇن بۇرىن تەلەفون ارقىلى جازىلۋ قاجەت, بۇل ءوز ساپارلارىن الدىن الا جوسپارلاۋعا مۇمكىندىك بەرەدى.
«شارتتاردى جەڭىلدەتۋ ءۇشىن وسى قىزمەتتى كورسەتۋگە قاتىسۋعا ءتيىستى سۇرانىس العان تاكسي اگرەگاتورلارىن تارتۋ بويىنشا پيلوتتىق جوباعا باستاما جاسالدى. ياندەكس كومپانياسى پيلوتتىق جوباعا وتەۋسىز نەگىزدە قاتىسۋعا نيەت ءبىلدىردى. پيلوتتىق جوبا شەڭبەرىندە ازاماتتار ياندەكس Go ءموبيلدى قوسىمشاسى ارقىلى ينۆاتاكسي قىزمەتىن قولدانا الادى. بۇل قىزمەتتى الۋشىعا كولىكتى تەزىرەك تاڭداۋعا, ونلاين رەجيمىندە تاپسىرىس مارتەبەسىن قاداعالاۋعا جانە جاسالعان ساپارلارعا مونيتورينگ جاساۋعا مۇمكىندىك بەرەدى. اتالعان قوسىمشادا مۇگەدەكتىگى بار ادامدار جۇرگىزۋشىگە ساپارداعى ەرەكشە قاجەتتىلىكتەرى تۋرالى ەسكەرتۋى ءۇشىن ارنايى مۇمكىندىكتەر ەكرانى ىسكە قوسىلدى. ءوز كەزەگىندە, جۇرگىزۋشىلەر ادامدى كولىككە وتىرعىزۋ, باسقا دا كومەك كورسەتۋگە ارنالعان ارنايى نۇسقاۋلار الادى», دەلىنگەن مينيسترلىك حابارلاماسىندا.
پيلوتتىق جوباعا استانا مەن الماتى قالالارىنان مۇگەدەكتىگى بار ادامداردىڭ فوكۋس-توبى قاتىسادى.
