قازاقستان-گەرمانيا: سىندارلى ساياسي ۇنقاتىسۋ ورنىققان ەلدەر

ەلباسى نۇرسۇلتان نا­زار­­باەۆ گەرمانيانىڭ فەدە­رال­دىق كانتسلەرى انگەلا مەر­كەلمەن كەزدەستى, دەپ حابار­لادى قازاقستان رەسپۋب­لي­كا­سى پرەزيدەنتىنىڭ ءباسپاسوز قىزمەتى. كەلىسسوزدەر بارىسىندا ەكى­جاقتى ەكونوميكالىق قا­رىم-قاتىناستى جانداندىرۋ ءما­سە­لەلەرى, سونداي-اق, ۋكراينانىڭ شى­عىسىنداعى احۋالدى ۋكراينا, رەسەي, گەرمانيا جانە فرانتسيا باسشىلارىنىڭ تاياۋدا استانادا ءوتۋى ىقتيمال كەزدەسۋى اياسىندا رەتتەۋ شارالارى تالقىلاندى. ەكى مەملەكەتتىڭ كوش­باس­شى­لارى مينسك ۋاعدالاستىعىن قاتىسۋشى تاراپتاردىڭ مۇلتىكسىز جۇزەگە اسىرۋى قاجەتتىگىن, مۇنىڭ تەزىرەك بەيبىت رەتتەۋگە جانە سەنىمدى نىعايتۋعا سەپتىگىن تيگىزەتىنىن اتاپ ايتتى. تاراپتار ەكى ەل اراسىندا بەلسەندى ءارى سىندارلى ساياسي ۇنقاتىسۋ ورناعانىنا توقتالدى, سونداي-اق, 2012 جىلى اقپاندا قول قويىلعان قازاقستان مەن گەرمانيانىڭ شيكىزات, ونەركاسىپ جانە تەحنولوگيا سالالارىنداعى سەرىكتەستىك تۋرالى ۇكىمەتارالىق كەلىسىمىن ناقتى ىسكە اسىرۋدىڭ ماڭىزدىلىعىن اتاپ ءوتتى. سونىمەن قاتار, يننو­ۆا­تسيالىق-ينۆەستيتسيالىق ىنتى­ماق­تاستىق اياسىن كەڭەيتۋدىڭ بىرقاتار قىرلارى جانە استانادا وتەتىن حالىقارالىق ەكسپو-2017 كور­مە­سىنە دايىندىق بارىسى قاراس­تىرىلدى. ەلباسى, سونداي-اق, گەرما­نيانىڭ فەدەرالدىق سىرتقى ىستەر ءمينيسترى فرانك-ۆالتەر شتاينمايەرمەن دە كەزدەستى. بۇل كەزدەسۋ ف.-ۆ. شتاينمايەردىڭ بىلتىر قاراشادا قازاقستانعا جاساعان رەسمي ساپارى اياسىندا بولعان اڭگىمەنىڭ جالعاسى رەتىندە ءوتتى. كەلىسسوزدەر بارىسىندا ەكى­جاقتى قارىم-قاتىناستىڭ باسىم تۇستارى مەن ۋكراينانىڭ شىعىسىنداعى احۋالدى رەتتەۋ شارالارى تالقىلاندى. ۋكراينا مەن رەسەي پرەزيدەنتتەرىنىڭ تاياۋ­دا گفر كانتسلەرى ا.مەركەل مەن فرانتسيا پرەزيدەنتى ف.وللاند­تىڭ قاتىسۋىمەن ءوتۋى ىقتيمال ەكىجاقتى كەزدەسۋىنىڭ بىرقاتار العىشارتتارى جونىندە بايىپتى پىكىر الماسىلدى. تاراپتار, سونداي-اق, ساۋدا-ەكو­نوميكالىق ىنتى­ماق­تاس­تىقتاعى بولاشاعى بار جوبا­لار مەن ەكى ەلدىڭ مادە­ني-گۋمانيتارلىق سالاداعى ءوزارا ءىس-قيمىلى تۋرالى دا ءسوز قوز­عادى. گەرمانيا فەدەرالدىق سىرت­قى ىستەر ءمينيسترى ەكىجاقتى ەكونو­ميكالىق قاتىناستار وڭ قارقىندا دامىپ كەلە جاتقانىنا توقتالا وتىرىپ, قازاقستاننىڭ ورتالىق ازياداعى «تۇراقتىلىق تۇتقاسى» بولىپ سانالاتىنىن اتاپ ايتتى. سۋرەتتى پرەزيدەنتتىڭ ءباسپاسوز قىزمەتى ۇسىندى.