قازاقستان رەسپۋبليكاسى ۇكىمەتىنىڭ قاۋلىسى  №1404

2014 جىلعى 30 جەلتوقسان,  استانا, ۇكىمەت ءۇيى جامبىل وبلىسى تاراز قالاسىنىڭ قالا ماڭى ايماعىنىڭ كەيبىر ماسەلەلەرى تۋرالى 2003 جىلعى 20 ماۋسىمداعى قازاقستان رەسپۋبليكاسى جەر كودەكسىنىڭ 110-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. وسى قاۋلىعا قوسىمشاعا سايكەس جامبىل وبلىسى تاراز قالاسىنىڭ قالا ماڭىنداعى ايماعىنىڭ شەكارالارى بەلگىلەنسىن. 2. قوسا بەرىلىپ وتىرعان جامبىل وبلىسى تاراز قالاسىنىڭ قالا ماڭى ايماعىنا ەنگىزىلگەن جەرلەردى پايدالانۋ قاعيدالارى مەن رەجيمى بەكىتىلسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 30 جەلتوقسانداعى №1404 قاۋلىسىنا قوسىمشا جامبىل وبلىسى تاراز قالاسىنىڭ قالا ماڭى ايماعىنىڭ شەكارالارى سولتۇستىك شەكاراسى: جامبىل وبلىسى تاراز قالاسىنىڭ قالا ماڭى ايماعىن قوسا العاندا, جامبىل اۋدانىنىڭ اقباستاۋ, اسا, كولقاينار, جامبىل اۋىلدىق وكرۋگتەرى جەرلەرىنىڭ اۋماعى ارقىلى وتەدى جانە ودان ءارى شىعىس باعىتىمەن بايزاق اۋدانىنىڭ بۋرىل جانە كوكتال اۋىلدىق وكرۋگتەرىن ءبولىپ تۇرعان شەكارا بويىمەن وتەدى, بايزاق اۋدانىنىڭ مىرزاتاي اۋىلدىق وكرۋگى جەرلەرىن جانە «باتىس ەۋروپا – باتىس قىتاي» اۆتوجولىن كەسىپ وتەدى, ودان ءارى بايزاق اۋدانى ۇلگىلى اۋىلدىق وكرۋگىنىڭ اۋماعىمەن وتەدى. شىعىس شەكاراسى: بايزاق اۋدانىنىڭ سارىكەمەر, بوتامويناق جانە قوستوبە اۋىلدىق وكرۋگتەرى اۋماعىن كەسىپ ءوتىپ, ودان ءارى جامبىل اۋدانىنىڭ پولاتقوسشى, قىزىلقاينار اۋىلدىق وكرۋگتەرى اۋماعى ارقىلى وتەدى. وڭتۇستىك شەكاراسى: مەملەكەتتىك شەكارانىڭ قىرعىز رەسپۋبليكاسىمەن شەكتەس بەلدەۋىمەن وتەدى. باتىس شەكاراسى: ايشا ءبيبى اۋىلدىق وكرۋگىمەن قىرعىز رەسپۋبليكاسىنىڭ شەكاراسىنىڭ قيىلىسقان جەرىنەن باستالىپ, سولتۇستىك باعىتقا قاراي جوعارى كوتەرىلىپ, گرودەكوۆو اۋىلدىق وكرۋگىنىڭ اۋماعى ارقىلى, ودان ءارى جامبىل وبلىسى تاراز قالاسىنىڭ قالا ماڭى ايماعىنا كىرەتىن جامبىل اۋدانىنىڭ ايشا ءبيبى جانە پولاتقوسشى اۋىلدىق وكرۋگتەرى اۋماقتارى ارقىلى وتەدى. قازاقستان رەسپۋبليكاسى ۇكىمەتىنىڭ 2014 جىلعى 30 جەلتوقسانداعى №1404 قاۋلىسىمەن بەكىتىلگەن جامبىل وبلىسى تاراز قالاسىنىڭ قالا ماڭى ايماعىنا ەنگىزىلگەن جەرلەردى پايدالانۋ قاعيدالارى مەن رەجيمى 1. وسى جامبىل وبلىسى تاراز قالاسىنىڭ قالا ماڭى ايماعىنا ەنگىزىلگەن جەرلەردى پايدالانۋ قاعيدالارى مەن رەجيمى (بۇدان ءارى – قاعيدالار) قازاقستان رەسپۋبليكاسى جەر كودەكسىنىڭ 110-بابىنا سايكەس ازىرلەندى. 2. جامبىل وبلىسى تاراز قالاسىنىڭ قالا ماڭى ايماعىنا ەنگىزىلگەن ەلدى مەكەندەردىڭ جەرلەرى وسى كەنتتەردىڭ, اۋىلداردىڭ جانە باسقا مەكەندەردىڭ (بۇدان ءارى – ەلدى مەكەندەر) باس جوسپارلارى, ولاردىڭ اۋماقتارىن جەر-شارۋاشىلىق ورنالاستىرۋدا جانە جەردى ايماقتارعا ءبولۋ سحەمالارى نەگىزىندە پايدالانىلادى. 3. قالا ماڭى ايماعىنا ەنگىزىلگەن ەلدى مەكەندەردىڭ جەر-شارۋاشىلىق ورنالاستىرۋ جوبالارىنىڭ, جوسپارلاۋ جانە سالۋ جوبالارىنىڭ جامبىل وبلىسى تاراز قالاسىنىڭ باس جوسپارىنا سايكەستىگىن ايقىنداۋ ءۇشىن ءتيىستى اۋىلدىق وكرۋگتىڭ اكىمى ولاردى جامبىل وبلىسى تاراز قالاسىنىڭ جەرگىلىكتى اتقارۋشى ورگانىنا كەلىسۋگە ۇسىنادى. جامبىل وبلىسى تاراز قالاسىنىڭ جەرگىلىكتى اتقارۋشى ورگانى ءبىر اي مەرزىمدە جوبانى ءتيىستى ساۋلەت جانە قالا قۇرىلىسى, جەر قاتىناستارى جونىندەگى, قورشاعان ورتانى قورعاۋ ورگاندارىنىڭ, سانيتاريالىق-ەپيدەميولوگيالىق جانە باسقا دا قىزمەتتەردىڭ قاراۋىن قامتاماسىز ەتەدى جانە ولاردىڭ قورىتىندىلارى نەگىزىندە ۇسىنىلعان جوبالاردى كەلىسۋ تۋرالى شەشىم قابىلدايدى. جوبالار باس جوسپارعا سايكەس كەلمەگەن جاعدايدا, جامبىل وبلىسى تاراز قالاسىنىڭ جەرگىلىكتى اتقارۋشى ورگانى اۋماقتارى قالا ماڭى ايماعىنا ەنگىزىلگەن ءتيىستى اۋدانداردىڭ جەرگىلىكتى اتقارۋشى ورگاندارىنا ولاردى باس جوسپارعا سايكەس كەلتىرۋ ءۇشىن جوبالاردى تۇزەتۋ تۋرالى ءوتىنىشحات بەرەدى. 4. قالا ماڭى ايماعى ەلدى مەكەندەرىنىڭ تۇزەتىلگەن جوبالارى اۋداندىق (قالالىق) وكىلدى جانە اتقارۋشى ورگانداردىڭ بىرلەسكەن شەشىمىمەن بەلگىلەنەدى جانە وزگەرتىلەدى. 5. جامبىل وبلىسى تاراز قالاسىنىڭ قالا ماڭى ايماعىنا ەنگىزىلگەن اۋىل شارۋاشىلىعى ماقساتىنداعى جەرلەر اۋىل شارۋاشىلىعى ماقساتتارى ءۇشىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن پايدالانىلادى. قالا ماڭىنداعى اۋىل شارۋاشىلىعى ءوندىرىسىن قارقىندى دامىتۋ ايماعىنا ەنگىزىلگەن جەرلەردى اۋىل شارۋاشىلىعىن جۇرگىزۋگە بايلانىستى ەمەس ماقساتتارعا پايدالانۋ ءۇشىن الىپ قويۋ, سونداي-اق ەرەكشە جاعدايلاردا, قالا ماڭى اۋماعىنا ەنگىزىلگەن اۋىل شارۋاشىلىعى القاپتارىن ءبىر تۇردەن باسقا تۇرگە اۋىستىرۋ قازاقستان رەسپۋبليكاسىنىڭ جەر زاڭناماسىندا ايقىندالعان تارتىپپەن جۇرگىزىلەدى. 6. ورماندار, ورمان پاركتەرى جانە باسقا دا جاسىل ەكپەلەر الىپ جاتقان جاسىل ايماقتاردىڭ جەرى قورعاۋ مەن سانيتاريالىق-گيگيەنالىق فۋنكتسيالار اتقارادى جانە ورمان قورى جەرىنە جاتادى. جاسىل ايماقتار جەرى مادەني-ساۋىقتىرۋ, رەكرەاتسيالىق جانە تۋريستىك ماقساتتارعا پايدالانىلادى. ءبۇل جەرلەردە جاسىل ايماقتاردىڭ قورعاۋ, سانيتاريالىق-گيگيەنالىق فۋنكتسيالارىنا جانە حالىقتىڭ دەمالىسىن ۇيىمداستىرۋ ماقساتتارىنا ساي كەلمەيتىن قۇرىلىستار مەن عيماراتتار سالۋعا جول بەرىلمەيدى. 7. قالا قۇرىلىسىن ەرەكشە رەتتەۋ ايماعىنا ەنگىزىلگەن جەرلەر جامبىل وبلىسى تاراز قالاسىن دامىتۋعا, ينجەنەرلىك جانە كولىكتىك ينفراقۇرىلىمداردىڭ قالىپتى جۇمىس ىستەۋى ءۇشىن قاجەتتى قۇرىلىستاردى ورنالاستىرۋعا جانە سالۋعا ارنالعان رەزەرۆتىك اۋماقتار بولىپ تابىلادى. قالا قۇرىلىسىن ەرەكشە رەتتەۋ ايماعىندا قۇرىلىس سالۋ جامبىل وبلىسى تاراز قالاسىنىڭ ساۋلەت جانە قالا قۇرىلىسى ورگاندارىمەن كەلىسىلگەن, كورسەتىلگەن ايماقتا ورنالاسقان ەلدى مەكەندەردىڭ باس جوسپارىنا سايكەس ىسكە اسىرىلادى. 8. قالا قۇرىلىسىن ەرەكشە رەتتەۋ ايماعىندا ورنالاستىرۋ كوزدەلگەن, قالانىڭ ساۋلەتىنە جانە ەكولوگياسىنا ەسەر ەتەتىن, ولارعا ەلدى مەكەندەردىڭ شەگىنەن تىس جەردەن جەر ۋچاسكەلەرى كوزدەلگەن وبەكتىلەر بويىنشا, جامبىل وبلىسى تاراز قالاسىنىڭ جەرگىلىكتى اتقارۋشى ورگانى جانە اۋماقتارى قالا ماڭى ايماعىنا ەنگىزىلگەن اۋدانداردىڭ جەرگىلىكتى اتقارۋشى ورگاندارى وسى وبەكتىلەردى ورنالاستىرۋ ءۇشىن جەر ۋچاسكەلەرىن تاڭداۋ جونىندەگى ارنايى كوميسسيا قۇرادى. 9. كورسەتىلگەن كوميسسيانىڭ قۇرامىنا جامبىل وبلىسى تاراز قالاسىنىڭ جانە اۋماقتارى قالا ماڭى ايماعىنا ەنگىزىلگەن اۋدانداردىڭ جەرگىلىكتى اتقارۋشى ورگاندارىنىڭ جانە ءتيىستى ساۋلەت جانە قالا قۇرىلىسى, جەر قاتىناستارى جونىندەگى, اۋىل شارۋاشىلىعى, قورشاعان ورتانى قورعاۋ ورگاندارىنىڭ, مەملەكەتتىك سانيتاريالىق-ەپيدەميولوگيالىق قىزمەتتىڭ جانە باسقا دا مۇددەلى مەملەكەتتىك ورگانداردىڭ وكىلدەرى كىرەدى. 10. قالا قۇرىلىسىن ەرەكشە رەتتەۋ ايماعىندا جەكە جانە زاڭدى تۇلعالارعا جەر ۋچاسكەلەرىن مەنشىككە نەمەسە جەر پايدالانۋعا بەرۋدى نەمەسە ولاردىڭ نىسانالى ماقساتىن وزگەرتۋدى جەرگىلىكتى اتقارۋشى ورگاندار ءوز قۇزىرەتى شەگىندە قازاقستان رەسپۋبليكاسىنىڭ جەر كودەكسىنە سايكەس جۇزەگە اسىرادى.