فوتو: qadam.asia
ۇكىمەت ماۋسىمارالىق كەزەڭدە كوكونىس باعاسىنىڭ وسۋىنە جول بەرمەۋ ءۇشىن وزبەكستان جانە تاجىكستان جەتكىزۋشىلەرىمەن تىكەلەي كەلىسىمشارت جاساۋ مۇمكىندىكتەرىن پىسىقتادى. ساۋدا جانە ينتەگراتسيا مينيسترلىگىنە قاراستى «QazTrade» اق وزبەك جانە تاجىك سەرىكتەستەرىمەن ءتيىستى شارتتارعا قول قويدى.
كوكونىس قازاقستان نارىعىنا «جاسىل ءدالىز» ارقىلى جانە دەلدالدار مەن الىپساتارلارسىز ءتيىمدى باعادا تاسىمالدانادى.
قازاقستاننىڭ بارلىق ءوڭىرىنىڭ قاجەتتىلىگىن قامتاماسىز ەتۋ جانە ماۋسىمارالىق كەزەڭدە كوكونىس باعاسىنىڭ اۋىتقۋىن بولدىرماۋ ءۇشىن پرەمەر-مينيستر كەلىسىمشارتتاردى ۋاقتىلى بەكىتۋدى جانە ءونىمنىڭ ۇزدىكسىز جەتكىزىلۋىن قامتاماسىز ەتۋدى تاپسىردى.
اكىمدىكتەر كەمىندە 18,6 مىڭ توننا كارتوپ, 7,2 مىڭ توننا ءسابىز جانە 5 مىڭ توننا پيازعا الدىن الا كەلىسىمشارت جاساۋ قاجەت. قازىرگى ۋاقىتتا قولدا بار قورلاردان 81 مىڭ توننا كولەمىندە كوكونىس ونىمدەرى پايدالانۋعا بەرىلدى.
سونىمەن قاتار جيىندا الەۋمەتتىك ماڭىزى بار ازىق-ت ۇلىك ونىمدەرىن وتكىزۋ كەزىندەگى تالاپتاردىڭ ساقتالۋىن مەملەكەتتىك باقىلاۋ ناتيجەلەرى قارالدى. مينيسترلىك جىل باسىنان بەرى مۇددەلى ورگاندارمەن بىرلەسىپ, تاۋارلىق ۇستەمە باعانى اسىرعان 732 فاكتىنى انىقتاپ, 1 مىڭنان استام اكىمشىلىك ءىس قوزعالدى, دايىن ءونىمى جوق 109 دەلدالدىڭ جۇمىسىنا شەكتەۋ قويىلدى.
جالپى جىل باسىنان بەرى باعا بەلگىلەۋگە اسەر ەتەتىن 2,5 مىڭنان استام تىزبەككە تالداۋ جاسالىپ, ساۋدا, سالىق جانە مونوپولياعا قارسى زاڭنامالاردى بۇزۋدىڭ 800-دەن استام تاۋەكەلى انىقتالدى. بارلىق انىقتالعان فاكتىلەر بويىنشا اقپارات جەدەل شارا قولدانۋ ءۇشىن ۋاكىلەتتى ورگاندارعا جولداندى.
«باقىلاۋ-فيسكالدىق جانە قۇقىق قورعاۋ ورگاندارىن تارتۋ ارقىلى وڭىرلىك كوميسسيالاردىڭ قىزمەتى قايتا قارالىپ, كۇشەيتىلدى. كەيبىر تاۋارلار بويىنشا باعانىڭ ءوسۋى تىركەلگەن جامبىل جانە اباي وبلىستارى اكىمدەرىنە ولاردى تۇراقتاندىرۋ شارالارىن كۇشەيتۋ كەرەك. ساۋدا مينيسترلىگىنە باعانىڭ وزگەرۋىنە كۇن سايىن تالداۋ جۇرگىزۋ, اۋىل شارۋاشىلىعى مينيسترلىگىنە نارىقتى وتاندىق ونىممەن ساپالى ءارى تولىق كولەمدە قامتىپ, اگروونەركاسىپ كەشەنى سالاسىنداعى وڭدەۋ كولەمىن ارتتىرۋ جونىندەگى بارلىق جوسپارلانعان شارالاردى ىسكە اسىرۋ كەرەك», دەدى ولجاس بەكتەنوۆ.
