فوتو: gov.kz
ەكى كەزەڭنەن تۇراتىن بايقاۋدىڭ ءبىرىنشى كەزەڭىندە اتالعان تاقىرىپتاردى ماعىنالىق جانە گرافيكالىق كەسكىندەلۋى تۇرعىسىنان جان-جاقتى اشاتىن اۋديوۆيزۋالدى تۋىندىنىڭ يدەياسى مەن تۇجىرىمداماسى قابىلدانادى.
سونىمەن قاتار ءوتىنىم بەرۋشىلەر بەينەروليكتەر جاساۋ قۇنىنىڭ نەگىزدەمەسى مەن شىعارماشىلىق توبى تۋرالى ومىرباياندىق جانە شىعارماشىلىق-اقپاراتتىق مالىمەتتەردى قوسا ۇسىنۋعا ءتيىس.
الەۋەتتى ورىنداۋشىلاردان ءوتىنىم قابىلداۋ 1 مامىردان 15 مامىرعا دەيىن جۇرگىزىلەدى. قۇجاتتار astana@khabar.kz ەلەكتروندىق پوشتاسىنا جىبەرىلۋ كەرەك.
ەكىنشى كەزەڭدە قابىلدانعان وتىنىمدەردىڭ تاقىرىپتاردى اشاتىن ەڭ ۇتىمدى يدەيالارى مەن تۇجىرىمدامالارى ىرىكتەلىپ, ءوتىنىم بەرۋشىلەردىڭ بىلىكتىلىگى مەن تاجىريبەلىك داعدىلارىن, تولەم قابىلەتى مەن ماتەريالدىق-تەحنيكالىق بازاسىنىڭ بولۋىن راستايتىن قۇجاتتار سۇراتىلادى.
بايقاۋ تۋرالى حابارلاندىرۋدا كورسەتىلگەن مەرزىم وتكەننەن كەيىن تاپسىرىلعان, بايقاۋ تالاپتارىنا ساي كەلمەيتىن قۇجاتتار ۇسىنعان جانە دايەكسىز, بۇرمالانعان اقپارات بەرگەن وتىنىمدەردى ىرىكتەۋ كوميسسياسى قارامايدى.
