بۇل كۇندە كومپانيا جي مۇمكىندىكتەرىن فوتوسۋرەتتەردەن كولىكتەردىڭ سىرىلۋىن وقۋعا ارنالعان باعدارلامادا پايدالاناىپ وتىر. وسىلايشا جي كولىكتىڭ زاقىمدانۋ دارەجەسى مەن سايكەسىنشە, كليەنتكە ساقتاندىرۋ تولەمىنىڭ مولشەرىن انىقتاۋعا مۇمكىندىك بەرەدى. باعدارلاما كولىكتە سىرىلۋدىڭ بار-جوقتىعىن جانە كولەمىن انىقتاۋعا ۇيرەتىلگەن, سونىمەن قاتار اشىق ChatGPT ۇلگىسىنە قوسىلدى. ول بىردەن اۆتوكولىكتىڭ قانشالىقتى سىرىلعانىن كورە الادى. زاقىمدانۋ انىقتالعان كەزدە شىعىن كولەمىن انىقتاپ, تولەۋ ءۇشىن ماماندار ءوز جۇمىسىنا كىرىسەدى. جوبانىڭ كەلەسى كەزەڭى – سوعىلعان, سىرىلعان كولەمىن مولشەرىن اۆتوماتتى تۇردە انىقتاۋ بوسا, قازىر وسى باعىتتا ۇلكەن جۇمىس جۇرگىزىلىپ جاتىر.
سونىمەن قاتار باسقا دا تسيفرلىق شەشىمدەر بەلسەندى تۇردە ەنگىزىلىپ جاتقانىن ايتا كەتۋ كەرەك. جۇمىستىڭ نەگىزگى باعىتتارىنىڭ ءبىرى – كورپوراتيۆتىك بيزنەستى ساقتاندىرۋدى تسيفرلاندىرۋ. ياعني, بۇل 2025 جىلى اياقتالادى دەپ جوسپارلانىپ وتىرعان مەملەكەتتىك دەرەكتەر بازاسىمەن ينتەگراتسيانى جۇرگىزۋ. وسىلايشا, Freedom Insurance ءوز جۇيەلەرىن زەينەتاقى تولەۋ جونىندەگى مەملەكەتتىك ورتالىقپەن, قر مەملەكەتتىك كىرىستەر كوميتەتىمەن, سوت كابينەتىمەن, قر مەملەكەتتىك ساتىپ الۋ جانە كورپوراتيۆتىك دەرەكتەر اگرەگاتورىمەن بىرىكتىرۋدى جوسپارلاپ وتىر. وسى بازالاردىڭ دەرەكتەرىن پايدالانا وتىرىپ, ساقتاندىرۋ كومپانياسى زاڭدى تۇلعانىڭ پورترەتىن كورەدى جانە ونىمەن ساقتاندىرۋ پوليسىنە قول قويۋ تۋرالى شەشىم قابىلدايدى.
ازامات كەرىمباەۆ كەلەسى جىلى نارىقتا كۇتىلەتىن باسقا دا وزگەرىستەرگە توقتالىپ ءوتتى. ءبىرىنشىسى – اۆتوكولىكتى ساقتاندىرۋعا قاتىسۋشىلاردىڭ جابىق ءتىزىمىن ەنگىزۋ. بۇل ءوز كولىگىن بەلسەندى پايدالاناتىن جانە ساقتاندىرۋ كومپانيالارى ءۇشىن ەڭ ءتيىمسىز جۇرگىزۋشىلەر رەتتەۋشىنىڭ نازارىندا بولۋى ءۇشىن قاجەت. كوبىنەسە بۇل ساناتقا تاكسي كومپانيالارىنىڭ تاكسي جۇرگىزۋشىلەرى كىرەدى.
رەتتەۋشى كەڭەيتىلگەن ارەكەتتەر ءپوليسىن ەنگىزۋدى جوسپارلاپ وتىر. ول دەگەنىمىز – ءبىر كولىكتى بىرنەشە ادامعا جۇرگىزۋگە مۇمكىندىك بەرەدى. بۇل ءپوليستىڭ باعاسىنىڭ وسۋىنە اسەر ەتەدى جانە ساقتاندىرۋ كومپانيالارى ءۇشىن ءونىمنىڭ تيىمسىزدىگىن باسقارۋعا كومەكتەسەدى.
سونداي-اق ساقتاندىرۋ كومپانيالارى ءاربىر پوليس ءۇشىن جارنانى زاڭمەن بەلگىلەنگەن مولشەرلەمەنىڭ 50%-نا دەيىن ارتتىرۋ نەمەسە تومەندەتۋ مۇمكىندىگىنە يە بولماق. شامامەن بۇل كليەنتتەردىڭ 70-80%-ى ءۇشىن ساقتاندىرۋ باعاسىنا جەڭىلدىكتەر بەرەدى. بۇل شەشىم كەلەسى جىلى اۆتوساقتاندىرۋ نارىعىنا اسەر ەتەدى, ويتكەنى پوليستەردىڭ باعاسى وزگەرەدى جانە ساقتاندىرۋ كومپانياسىن تاڭداۋدا شەشۋشى فاكتور بولمايدى.
«2025 جىلى باستى فاكتورلاردىڭ ءبىرى جول-كولىك اپاتىنان كەيىن تولەمدى الۋ جىلدامدىعى بولادى. مىسالى, تولەمدەر 5 كۇن ىشىندە قابىلداناتىن DTP.kz سەرۆيسى. بازالاردى پايدالانۋ قىزمەتتىڭ قولجەتىمدىلىگىن ارتتىرادى. ولاردىڭ كومەگىمەن باعاسى مەن قىزمەت كورسەتۋ دەڭگەيىنە قاراي لايىقتى ساقتاندىرۋ كومپانياسىن تاڭداۋعا بولادى», دەيدى ساراپشى.
نارىق جەكە تۇلعالار ءۇشىن ءبولىپ تولەۋ جوسپارىن ەنگىزۋدى دە كۇتەدى. كليەنت ساقتاندىرۋ ءپوليسىن ساتىپ الىپ, ونىڭ جارامدىلىعىن اي سايىن جازىلۋ فورماتىندا جاڭارتا الادى.
سونىمەن قاتار 2025 جىلى اۆتوكولىكتەردى ۋاقىتشا كىرگىزۋ ءۇشىن بىرىڭعاي ساقتاندىرۋ پۋلىن ەنگىزۋ جوسپارلانىپ وتىرعان جايى بار. قازىر ءونىمنىڭ شىعىن كوەففيتسيەنتى تومەن, ال ساقتاندىرۋ كومپانيالارىنىڭ دەلدالدارعا تولەيتىن اگەنتتىك سىياقى مولشەرى شامامەن 70%, بۇل جوعارى كورسەتكىشتى كورسەتەدى. ساقتاندىرۋ سالاسىنىڭ ساراپشىسى: «رەتتەۋشى نارىقتىڭ اشىق بولۋىن قالايدى. بۇل وپەراتسيالاردى جويۋ جانە ءتاريفتى ءادىل ەتۋ ءۇشىن ءارى كومپانيالار تاۋەكەلدەردى جاي عانا قابىلدايتىن بىرىڭعاي ساقتاندىرۋ پۋلىن ەنگىزۋ جوسپارلانۋدا. اكتيۆيزاتسيا جانە اگەنتتەر دەگەن ۇعىمدار بولمايدى», دەيدى.
سول سياقتى نارىقتا بەلگىلى ءبىر كولەمدە اقشا ءۇشىن «كومەك» كورسەتىپ جۇرگەن دەلدالدارمەن كۇرەس اياسىندا قۇجاتتار مەن تولەمدەردى جيناۋ فۋنكتسيالارىن تەك رەسمي ليتسەنزياسى بار ساقتاندىرۋ بروكەرلەرىنە بەرۋ كوزدەلىنىپ وتىر.
ويتكەنى, ەلىمىزدە مەديتسينالىق تەكسەرۋ پروتسەدۋراسىن تسيفرلاندىرۋعا قاتىستى وزەكتى ماسەلە بار. ەگەر ادام مەديتسينالىق تەكسەرۋدى وتكەنى تۋرالى انىقتاما قاعازىن بەرمەسە, ساقتاندىرۋ كومپانياسى وسى تۇستا تولەم جاساۋدان باس تارتۋى مۇمكىن. Freedom Insurance قر كولىك مينيسترلىگىمەن بىرلەسىپ, ادامداردى تاسىمالدايتىن بارلىق كولىك كومپانيالارىن ءوز جۇرگىزۋشىلەرىن كۇن سايىن ساپار (رەيس) الدىنداعى تەكسەرۋدەن ءوتۋىن مىندەتتەيتىن زاڭ جوباسىن ازىرلەدى. بۇل جولاۋشىلاردى تاسىمالداۋ پروتسەسىنىڭ قاۋىپسىزدىگىن قامتاماسىز ەتۋگە جانە ساقتاندىرۋ تولەمىن جاساۋعا نەگىز بولادى.
تاعى ءبىر توقتالا كەتەتىن ماسەلە, MED365 – ساپار (رەيس) الدىندا جۇرگىزۋشىلەردى مەديتسينالىق تەكسەرۋدەن وتكىزەتىن كومپانياسى (Freedom Finance حولدينگىنىڭ بولىگى) پروتسەستى تسيفرلاندىرۋ بويىنشا پيلوتتىق جوباعا قاتىسۋىپ جاتىر. «ياندەكس.تاكسي» كومپانياسىمەن بىرگە 2 مامىردا الماتى, استانا, شىمكەنت قالالارىندا پيلوتتىق جۇيە ىسكە قوسىلادى. جانار-جاعارماي قۇيۋ ستانتسيالارى جەلىسىنىڭ پۋنكتتەرىندە تەكسەرۋگە ارنالعان جابدىقتارى بار مەديتسينا قىزمەتكەرلەرى بولادى. بەلگىلەنگەن ورىندارداعى قۇرال-جابدىقتار مەملەكەت تاراپىنان سەرتيفيكاتتالادى. «ياندەكس.تاكسي» جۇرگىزۋشىلەرى ءۇشىن پروتسەدۋرادان ءوتۋى مىندەتتى جانە ونىڭ ناتيجەسى جۇرگىزۋشىنى رەيسكە شىعۋ نەمەسە شىقپاۋىنا اسەر ەتەدى. ەگەر كورسەتكىشتەر نورمادان اۋىتقۋلاردى كورسەتسە نەمەسە ادام تەكسەرۋدەن مۇلدەم وتپەسە, وندا «ياندەكس.تاكسي» ول جۇرگىزۋشىنىڭ اككاۋنتىن جۇمىسقا قوسپايدى.
الداعى ۋاقىتتا كومپانيانىڭ كليەنتى جول-كولىك اپاتىنا ۇشىرايتىن بولسا, ول وسى پۋنكتتەردىڭ بىرىندە مەديتسينالىق ساراپتامادان ءوتىپ, ونىڭ ناتيجەسى ساقتاندىرۋ كومپانياسىنا تسيفرلىق تۇردە بىردەن تۇسەدى. بۇل وقيعانى بىردەن تىركەۋگە جانە ساقتاندىرۋ تولەمىن الۋدى جىلدامداتادى.
الماتى
