بيۋرو مالىمەتىنشە 10 رەتتەن كوپ كەزدەسەتىن 33 مىڭنان استام ەسىم جانە 100-دەن استام رەت كەزدەسەتىن 29 مىڭ تەكتىڭ بارى انىقتالدى.
قازاقستاندا ەڭ كوپ تارالعان ەرلەر ەسىمى:
ازامات (63 مىڭ ادام);
سەرىك (53 مىڭ ادام);
مارات (50 مىڭ ادام).
ايەلدەر ەسىمى:
ارۋجان (73 مىڭ ادام),
ءمادينا (59 مىڭ ادام),
دينارا (59 مىڭ ادام).
- سونداي-اق, 585 مىڭ ادام ايەلگە دە, ەرلەرگە دە قويىلاتىن ەسىمدەردى ارقالاپ ءجۇر, - دەيدى ۇلتتىق ستاستيستيكا بيۋروسى. ولاردىڭ ىشىندەگى ەڭ تانىمالى باقىت پەن ساۋلەت.
قازاقشا ەر ادامنىڭ ەسىمدەرىنە «باي», «بەك», «جان», «حان» سوزدەرى كوپ جالعانعان. اسىرەسە «حان» ءسوزى بار ەسىمدەر سوڭعى 30 جىل بويى تۇراقتى تۇردە ءوسىپ كەلەدى.
قازاقتار قىسقا ەسىمدەردى كوبىرەك ۇناتا باستاعان. ءبىر قىزىعى, 70-80-جىلداردى قوسپاعاندا, ەرلەردىڭ ەسىمدەرى ايەلدەردىكىنەن ۇزاعىراق بولادى.
