دوستىق ۇيلەرى – ەلدىكتىڭ نىشانى

اپات ايتىپ كەلمەيدى. بيىلعى سۋ تاسقىنى ءبارىمىزدى ابىگەرگە سالىپ, جوس­پارىمىزدى وزگەرتتى. دوستىق ۇيلەرى دە ۇيرەنشىكتى جۇمىسىن سۋ اپاتىمەن كۇرەسۋگە باعىتتادى. سىن ساعاتتا وتان­داستارىمىزدىڭ اۋىزبىرشىلىگىنە تاعى دا ريزا بولدىم. ولار ەشكىم ايت­قىز­باستان, قاراپايىم ازاماتتاردان باستاپ, ۇلكەن-كىشى دەمەي دوستىق ۇيلەرىنە ازىق-ت ۇلىك, ءدارى-دارمەك, تۇرمىستىق زاتتار اكەلىپ جاتىر. ءسويتىپ, دوستىق ۇيلەرى «جۇرەكتەن – جۇرەككە!» اكتسياسىنىڭ الاڭى مەن گۋمانيتارلىق كومەك جيناۋدىڭ شتابىنا اينالدى. قازىر ءبىز تاۋلىك بويى جۇمىس ىستەپ جاتىرمىز.

اسسامبلەيانىڭ دوستىق ۇيلەرى – بىرەگەي برەند. ول بۇگىندە – ەلىمىزدىڭ 34 قالا­سىنداعى تۇتاس جەلى. بۇكىل قوعام­مەن بىرگە ءبىز دە وزگەرىپ جاتىرمىز. بىرىنشىدەن, ءبىز 24/7 رەجىمىندە كەڭسەلەردە, كابينەتتەردە قامالىپ وتىرماي, شارۋاشىلىق, ءىس باسىندا بولىپ, ادامدارمەن تىكەلەي جۇمىس ىستەيمىز. ۇلتتىق قۇرىلتاي مەن قازاق­ستان حالقى اسسامبلەياسىنىڭ قۇندى­لىق­تارىن ناسيحاتتايمىز.

ەكىنشىدەن, كەشەگى سەسسيادا الەۋ­مەت­تىك نىسانداردى سالۋ قاجەتتىگى ايتىلدى. سولاردىڭ ىشىندە كوپۇلتتى ەلدى مەكەندەردە دوستىق ۇيلەرى بولسا, قۇبا-قۇپ. بۇل – وتە ماڭىزدى. قانات­قاقتى جوبا رەتىندە شالعاي ەلدى مەكەندەردە جۇمىس ىستەۋگە ارنالعان كوشپەلى دوستىق ۇيلەرىنىڭ فورماتىن سىناقتان وتكىزىپ جاتىرمىز.

ۇشىنشىدەن, دوستىق ۇيلەرى ءارتۇرلى جاستاعى جانە الەۋمەتتىك توپتاعى ازاماتتاردى تارتۋ ورتالىعىنا اينالدى. مىسالى, ءبىزدىڭ دوستىق ۇيىمىزدە ەرەكشە بالالارعا ارنالعان ساباقتار, بەلسەندى ۇزاق ءومىر ءسۇرۋ كلۋبتارى, الەۋمەتتىك باعىتتاعى زاڭگەرلىك كەڭەستەر بار. سونداي-اق, مۇندا كەز كەلگەن ادام مەملەكەتتىك جانە باسقا تىلدەردى تەگىن مەڭگەرە الادى.

قازاق ءتىلىنىڭ قولدانىس اياسىن كە­ڭەيتۋ – اسسامبلەيانىڭ باستى باسىم­دىعى, ونى بارشا ەتنوس وكىلدەرى قولداي­دى, قۋاتتايدى. ەتنوستىق توپتار اراسىندا قازاق تىلىندە سويلەپ قانا قويماي, سول تىلدە ولەڭ جازۋ, اڭگىمە قۇراستىرۋ قالىپتى جاعدايعا اينالدى.

قازاقستان – كوپمادەنيەتتى جانە كوپتىلدى مەملەكەت. بۇل – ءبىزدىڭ ەرەكشە ارتىقشىلىعىمىز. ءبىز مەملە­كەت­تىك جانە ورىس تىلدەرىندە, سونداي-اق ەتنوس­تار تىلدەرىندە سويلەي­مىز. ال ءتىل بىلۋدە, ۇي­رەنۋدە تەك ارتىق­شى­لىقتاردى كورىپ, باعا­لاپ, جاڭا مۇم­كىن­دىكتەر تابۋ كەرەك.

بيىل پرەزيدەنت ق.توقاەۆتىڭ تاپسىرماسىمەن تۇركى الەمىنىڭ استاناسى – كيەلى تۇركىستاندا زاماناۋي دوستىق ءۇيى اشىلادى. بۇل جەردە الۋان ءتۇرلى ما­دەنيەتتىڭ ورتالىعىنا اينالادى دەپ ۇمىت­تەنەمىز.

رۋفينا ۋسانوۆا,

جەتىسۋ وبلىسى دوستىق ءۇيىنىڭ ديرەكتورى