اۋماقتىق پد ءباسپاسوز قىزمەتىنىڭ مالىمەتىنشە, وسى جىلعى ءساۋىردىڭ 16-دا قوسشى قالالىق پوليتسيا بولىمىنە الاياقتىق دەرەگى بويىنشا استانا قالاسىنىڭ تۇرعىنىنان ارىز تۇسكەن. زارداپ شەگۋشىنىڭ سوزىنشە, ناۋرىز ايىندا الەۋمەتتىك جەلىدەگى تۇرعىنداردىڭ چاتىندا جيھاز جانە قىمبات ىدىستاردى تومەن باعامەن ۇسىنعان بەيتانىس ايەل ونىڭ 400 مىڭ تەڭگە اقاشاسىن يەمدەنىپ كەتكەن.
جەدەل-ىزدەستىرۋ ءىس — شارالارى بارىسىندا پوليتسيا قىزمەتكەرلەرى بۇرىن قىلمىستىق كودەكستىڭ 190-بابىڭ 2-بولىگى بويىنشا قىلمىستىق جاۋاپقا تارتىلعان استانا قالاسىنىڭ 32 جاستاعى تۇرعىنىن ۇستادى.
«قازىرگى كەزدە كۇدىكتىنىڭ ۇستىنەن ءىس قوزعالىپ, سوتقا دەيىنگى تەرگەۋ امالدارى قولعا الىندى. ودان زارداپ شەككەن تاعى 32 ادامنان پوليتسيا ارىز ءتۇستى. زارداپ شككەندەرگە كەلتىرىلگەن شىعىن كولەمى 62 ملن تەڭگەنى قۇرايدى», — دەدى ۆەدومستۆودان.
وسى رەتتە, پوليتسيا قىزمەتكەرلەرى الەۋمەتتىك جەلى ارقىلى ساتىپ الۋ كەزىندە ساتۋشىدا تاۋاردىڭ بار ەكەنىنە كوز جەتكىزۋدى, بەينەبايلانىس بويىنشا مامىلەنىڭ ەگجەي-تەگجەيىن تالقىلاۋدى, تاۋاردى العاننان جانە ونى تەكسەرگەننەن كەيىن عانا تولەم جاساۋدى ۇسىنادى.
