سۋرەتتە: «ءوز اعاشىڭدى ءوسىر» اكتسياسى اياسىندا اتقارىلعان جۇمىستار
ساپار بارىسىندا اۋدانداعى بىرقاتار الەۋمەتتىك نىسانداردى ارالاعان ءوڭىر باسشىسى ۇزىناعاش اۋىلىنداعى №1 مەكتەپ-ليتسەيگە ارنايى اتباسىن بۇرىپ, مەكتەپ وقۋشىلارىمەن بىرگە اعاش كوشەتتەرىن وتىرعىزىپ, كوپكە ۇلگى بولدى.
«بۇگىن «جاسىل ايماق» باعىتى بويىنشا مەكتەپ وقۋشىلارى مەن ۇجىمدارىنىڭ باستاماسىمەن وڭىرىمىزدە ء«وز اعاشىڭدى ءوسىر» اتتى تۇقىمنان اعاشتى وتىرعىزۋ اكتسياسى ۇيىمداستىرىلىپ وتىر. وعان ءبىلىم وردالارىنداعى 340 مىڭنان استام وقۋشىنىڭ ءبىر كىسىدەي قاتىسۋى ونىڭ جالپى بۇقارالىق سيپاتىن كورسەتىپ وتىر. وسى ارقىلى ءبىز پرەزيدەنتىمىزدىڭ ورمان القابىندا 2 ميلليارد, ەلدى مەكەندەردە 15 ميلليون اعاش وتىرعىزۋ بويىنشا تاپسىرماسىن ورىنداۋعا ءوز ۇلەسىمىزدى قوسىپ وتىرمىز. بۇل اكتسيانىڭ تاربيەلىك ءمانى وتە جوعارى. اتقارىلعان جۇمىستار تۋىپ-وسكەن جەرىمىزدى, ءوز ولكەمىزدى كوگالداندىرۋمەن قاتار, جاسىل جەلەككە وراۋعا مۇمكىندىك بەرەدى. بۇعان قوسا مۇنداي يگى ءىس-شارالار ءبىزدىڭ اۋىزبىرشىلىگىمىزدى ايقىنداپ, ەلدىگىمىزدى كورسەتەرى انىق. ەندەشە, بۇل ىسكە اتسالىسقان جەرلەستەرىمىز بەن بۇلدىرشىندەرىمىزگە العىسىمدى بىلدىرەمىن», دەدى مارات ەلەۋسىز ۇلى.
وسى كۇنى وبلىس ورتالىعى – قوناەۆ قالاسىندا «جاسىل ايماق» اكتسياسى اياسىندا 14 مەكتەپتەن 13000 وقۋشى ءبىر مەزەتتە اعاش تۇقىمىن ەگۋ راسىمىنە بەلسەندى تۇردە قاتىسقانىن ايتا كەتۋ ارتىق ەتپەس.
جالپى «جاسىل ايماق» اپتالىعىندا قالا بويىنشا 1 500 ءتۇپ جاسىل جەلەك وتىرعىزۋ جوسپارلانعان.
الماتى وبلىسى
