فوتو: Pixabay / TheDigitalWay
2024 جىلدىڭ 25 ساۋىرىندە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇيىمداسقان قىلمىستىق توپ قۇرعان جانە وعان باسشىلىق جاساعان, سونداي-اق الداۋ نەمەسە ادام سەنiمىن تەرىس پايدالانۋ جولىمەن مۇلiكتiك زالال كەلتiرگەن, لاۋازىمدىق وكiلەتتiكتەرىن تەرىس پايدالانعان, جالعان قۇجاتتاردى قولدان جاساعان ايىپتالۋشىلاردىڭ ءىسىن قارادى.
سوتتالۋشىلارعا ءتيىستى الىمدار مەن تولەمدەردى وتەمەي, مەملەكەتكە زالال كەلتىرۋ, سونىمەن قاتار حقكو مەن قر ءىىم ينتەگراتسيالانعان اقپاراتتىق جۇيەسىنە كولىك قۇرالدارىنىڭ مالىمەتتەرى جانە اۆتوكولىكتەردى ساتىپ الۋ-ساتۋ بويىنشا جۇرگىزىلگەن مامىلەلەر تۋرالى كورىنەۋ جالعان اقپارات ەنگىزۋ ارقىلى شەتەلدەن اكەلىنگەن اۆتوكولىك قۇرالدارىن جاپپاي تىركەۋدى ۇيىمداستىردى دەگەن ايىپ تاعىلدى.
ۇيىمداسقان قىلمىستىق توپ مۇشەلەرىنىڭ ارقايسىسىنىڭ كەلىسىلگەن ارەكەتتەرىنىڭ ناتيجەسىندە 2021 جىلدىڭ جەلتوقسانىنان باستاپ 2022 جىلدىڭ مامىرىنا دەيىن 312 كولىك زاڭسىز تىركەلگەن. سونداي-اق قىلمىسكەرلەر تاعى 150 كولىك قۇرالىن زاڭسىز تىركەپ, ونىڭ ىشىندە ءرولى وڭ جاقتا ورنالاسقان 73 اۆتوكولىك ەل اۋماعىنا ءىس جۇزىندە جەتكىزىلمەگەنى انىقتالدى. ۇيىمداسقان قىلمىستىق توپتىڭ 3 باسشىسى قىلمىستىق توپ قۇرىپ, لاۋازىمدىق وكىلەتتىكتەرىن پايدالانا وتىرىپ, توپتى باسقارعان. 5 ادامنان تۇراتىن ۇيىمداسقان قىلمىستىق توپ قاتىسۋشىلارى مامىلەلەرگە قاتىسىپ, اقشالاي قاراجاتتىڭ ءبىر بولىگىن الىپ وتىرعان.
ال 17 دەلدال Telegram-چاتتاردان ساتىپ الۋ ارقىلى اۆتوكولىكتەردى رەسىمدەۋگە قاتىسىپ, اۆتوكولىكتەرگە قۇجاتتاردى قايتادان ساتىپ جىبەرىپ وتىرعان.
ايىپتالۋشىلار اراسىندا پوليتسيا قىزمەتكەرلەرى دە بەر. ولار ۇرلىق بەلگىلەرى بولماعان كەزدە الداۋ نەمەسە سەنىمگە قيانات جاساۋ ارقىلى م ۇلىكتىك زيان كەلتىرىپ, لاۋازىمدىق وكىلەتتىكتەرىن اسىرا سىلتە پايدالانىپ, ءوز ماقساتتارىن ىسكە اسىرعان.
سوتتا ايىپتالۋشىلار كىناسىن مويىندامادى. ولاردىڭ كىناسى كۋاگەرلەردىڭ ايعاقتارىمەن, ساراپتامالاردىڭ قورىتىندىلارىمەن, جاسىرىن تەرگەۋ ارەكەتتەرىنىڭ ناتيجەسى مەن قىلمىستىق ءىستىڭ باسقا دا ماتەريالدارىمەن دالەلدەندى.
