جاستاردى ەكولوگيالىق مادەنيەتكە جانە تابيعات پەن ەڭبەككە جاۋاپكەرشىلىكپەن قاراۋعا تاربيەلەۋ ماقساتىندا وتكەن ءىس-شارادا اتالعان قالانىڭ پاۆلوۆ كوشەسى 93/1 جانە 96/5, لوموۆ كوشەسى 154/3, 152/2, 156/2 اۋلالارىنا اعاش وتىرعىزىلدى.
25 ساۋىردە اۋلا تۇرعىندارى, قالالىق ءماسليحات دەپۋتاتى گۇلزيرا اتاباەۆا جانە قالانىڭ بەلسەندى جاستارى, سونىمەن قاتار جبدو ديرەكتورى راحيمجانوۆ ريزات رۋسلان ۇلى باستاعان ەرىكتىلەر اتالعان مەكەنجايلار بويىنشا اۋلالارعا 40 جاس قايىڭ وتىرعىزىپ, قالاعا كورىك ۇستەدى. اتالعان «جاسىل» ەكولوگيالىق اكتسياسى ورنىقتى بولاشاق قۇرۋعا سەرپىن بەرەدى.
ايتا كەتسەك, «Birgemiz: Taza Alem» جالپىۇلتتىق جوباسىن ىسكە اسىرۋ شەڭبەرىندە اعاش وتىرعىزۋ بويىنشا ەكولوگيالىق اكتسيا ەلىمىزدىڭ بارلىق وڭىرلەرىندە ءوتىپ جاتىر جانە جاستاردىڭ ورتاق ءىستى قۇرۋداعى جانە نىعايتۋداعى جاۋاپكەرشىلىك پەن دوستىق سەزىمىن ارتتىرۋدىڭ كىلتى بولىپ سانالادى.
