فوتو: اشىق دەرەككوزدەن
دەپۋتاتتىڭ ايتۋىنشا, قازىر ناننىڭ باعاسى تىم تومەن بولعاندىقتان, حالىق بۇل ءونىمدى باعالامايدى. ول ادامداردىڭ اس اتاسىن ءجيى لاقتىراتىنىنا قىنجىلدى. ءماسليحات دەپۋتاتى اۋىل شارۋاشىلىعى ونىمدەرىنىڭ باعاسىن كوتەرۋ ارقىلى جەرگىلىكتى وندىرۋشىلەرگە قولداۋ كورسەتۋگە بولادى دەگەن ويىن ءبولىستى.
«شىنىمدى ايتسام, ناننىڭ باعاسى وتە ارزان. مەن ءوزىم اۋىلشارۋاشىلىق ونىمدەرىن ءوندىرۋشىمىن. ەگىلگەن بيدايدىڭ قۇنى قازىر 100 تەڭگەدەن از. سوندىقتان ناننىڭ قۇنى 500 تەڭگەدەن كەم بولماۋى ءتيىس. وسىلايشا ءبىز اۋىلداعى ءال-اۋقاتتى كوتەرە الامىز. ادامدار بۇعان قول جەتكىزە الادى. سەبەبى نان كوبىنەسە قوقىسقا لاقتىرىلادى. ال شۇجىق پەن ەت ونىمدەرىن لاقتىرمايمىز, سەبەبى بۇل قىمبات», دەدى مەيرامبەك دونەنباەۆ.
Jambylinfo.kz سايتىنىڭ جازۋىنشا, دونەنباەۆتىڭ ارىپتەستەرى بۇل پىكىرمەن مۇلدەم كەلىسپەيدى. ءماسليحات دەپۋتاتى باقىتجان قالىمبەتوۆتىڭ ايتۋىنشا, دوتاتسيالىق ءوڭىر ءۇشىن ءبىر ورامعا 120 تەڭگەنىڭ قازىرگى باعاسى دا حالىقتىڭ قالتاسىنا اۋىرتپالىق تۇسىرەدى. حالىق تاڭداعان دەپۋتات جۇماحان تانكەباەۆ تا نان باعاسىنىڭ كوتەرىلۋىنە قارسى.
«ناننىڭ باعاسىن 500 تەڭگەگە كوتەرۋ تىم ارتىق. قاراپايىم ادامدار ءۇشىن بۇل قيىن بولادى. اسىرەسە 5-6 بالا تاربيەلەپ وتىرعان كوپبالالى وتباسىلار ءۇشىن قوسىمشا اۋىرتپالىق سالادى», دەدى ءماسليحات دەپۋتاتى جۇماحان تانكەباەۆ.
