فوتو: اقوردا ءباسپاسوز قىزمەتى
مەملەكەت باسشىسىنىڭ ايتۋىنشا, جينالعان قاراجات ەلدى مەكەندەردى قالپىنا كەلتىرۋگە جۇمسالادى. سونداي-اق اپاتتىڭ كەسىرىنەن قيىن جاعدايعا تاپ بولعان ازاماتتارعا كومەك رەتىندە بەرىلەدى.
«ەشكىم ەلەۋسىز قالمايدى. مەملەكەت شىعىندى تۇگەل وتەيدى. تاسقىننىڭ زاردابىن جويۋ ءۇشىن بيۋدجەت شىعىستارى قىسقارتىلاتىن بولدى. مەملەكەت قارجىسىن قاتاڭ ۇنەمدەۋ رەجيمى ەنگىزىلەدى», دەدى مەملەكەت باسشىسى.
سونداي-اق پرەزيدەنت: «ارينە, ماڭداي تەرمەن تىرنەكتەپ تاپقان دۇنيە-م ۇلىكتى ءبىر ساتتە جوعالتۋ وڭاي ەمەس. مەن مۇنى تۇسىنەمىن. زارداپ شەككەن ازاماتتارعا تاعى دا ايتامىن: بۇكىل حالىق – سىزدەرمەن بىرگە. كوپ ۇزاماي بارشاڭىز قالىپتى ومىرگە قايتا ورالاسىزدار. ول ءۇشىن مەملەكەت ءبارىن جاسايدى», دەدى.
قاسىم-جومارت توقاەۆ تاسقىن باستالعاننان بەرى قازاقستان حالقى اسسامبلەياسى بەلسەندى ءارى ۇيلەسىمدى جۇمىس ىستەپ جاتقانىنا بۇكىل ەل كۋا ەكەنىن اتاپ ءوتتى.
«جۇرتقا جان-جاقتى كومەك بەرۋ ءۇشىن دەرەۋ اسسامبلەيانىڭ رەسپۋبليكالىق جانە ايماقتىق شتابتارى قۇرىلدى. «جۇرەكتەن جۇرەككە» دەگەن اۋقىمدى اكتسيا جۇرگىزىلىپ جاتىر. اپات ايماقتارىنا 1500 توننادان استام ازىق-ت ۇلىك جانە ەڭ قاجەتتى تاۋارلار جولداندى. ونىڭ جالپى سوماسى شامامەن 770 ميلليون تەڭگە بولدى», دەدى پرەزيدەنت.
مەملەكەت باسشىسىنىڭ سوزىنشە, سۋ تاسقىنىمەن كۇرەسكە ەتنومادەني بىرلەستىكتەردىڭ 12 مىڭعا جۋىق وكىلى قايىرىمدىلىق جانە گۋمانيتارلىق كومەك جيناۋعا جۇمىلعان. سونداي-اق جۇرتتى قاتەردەن حاباردار ەتۋگە جانە قاۋىپسىز جەرگە كوشىرۋگە اتسالىستى.
«مۇنىڭ ءبارى – ءوزارا جاناشىر جانە تىلەۋلەس بولۋدىڭ ايقىن كورىنىسى. مەن باتىس قازاقستان, سولتۇستىك قازاقستان, قوستاناي وبلىستارىنا ارنايى باردىم. كەزدەسۋ كەزىندە جۇرتشىلىق اسسامبلەيا مۇشەلەرىنە زور ريزاشىلىق ءبىلدىردى», دەدى مەملەكەت باسشىسى.
