باسقوسۋعا ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى, وتباسى ساياساتى جانە گەندەرلىك ساياسات سالاسىنىڭ ساراپشىلارى, پسيحولوگتەر مەن الەۋمەتتانۋشىلار قاتىستى. جينالعاندار وتباسى ينستيتۋتىن نىعايتۋ جانە قورعاۋ, وتباسىلاردىڭ رۋحاني, ادامگەرشىلىك جانە ماتەريالدىق جاعىنان دامۋىنا قولايلى جاعداي جاساۋ, وتباسىنداعى زورلىق-زومبىلىقتىڭ الدىن الۋ تۋراسىندا پىكىر الماستى.
«بۇگىندە الەمدە نەكەلەسەتىندەردىڭ سانى ازايىپ, كەرىسىنشە اجىراسۋ ۇلەسى ارتقان. مۇنداي ۇردىستەردىڭ بەلەڭ الۋى قوعامدىق سانانىڭ وزگەرۋىنە تىكەلەي بايلانىستى. جىل وتكەن سايىن وتباسىلاردا دارىپتەلەتىن كەيبىر قۇندىلىقتاردىڭ ماڭىزى تومەندەي باستايدى. بۇل تەندەنتسيانى 3 ۇرپاقتى مىسالعا كەلتىرىپ تۇسىندىرۋگە بولادى. ياعني X ۇرپاعى توپتىق ءومىر سالتىن قولدايتىن بولسا, Z ۇرپاعى جەكە تۇلعا رەتىندە دامۋدى الدەقايدا جوعارى قويادى. ال Y ۇرپاعى الدىڭعى ەكەۋىنىڭ ورتاسى بولعاندىقتان, كورسەتكىشتەردى تەڭدەي بولگەن. وتباسى قۇندىلىعى وزگەرىسىنىڭ مەملەكەتتىڭ ىشكى جالپى ءونىم كولەمىنە دە ىقپالى بار. ويتكەنى وتباسى – نەگىزگى الەۋمەتتىك ينستيتۋت رەتىندە ەلدىڭ ءال-اۋقاتى مەن تۇراقتىلىعىنا تىكەلەي اسەر ەتەدى», دەپ نەۆزات تارحان مەملەكەتىندەگى وتباسى قۇندىلىقتارىنىڭ وزگەرىسىن الەمدىك كورسەتكىشتەرمەن سالىستىرا باياندادى.
ساراپشىلار پروبلەمانى شەشۋ جولدارىن دا جان-جاقتى قاراستىردى. وسى رەتتە نەۆزات تارحان ءسوز اراسىندا وتباسى ينستيتۋتىنىڭ السىرەۋىنە سەبەپ بولاتىن تاعى ءبىر پروبلەمانىڭ باسىن اشىپ كورسەتتى.
«وتباسى – مادەنيەتتى, ادەت عۇرىپ پەن سالت-ءداستۇردى ۇرپاقتان-ۇرپاققا جالعاستىرۋشى ينستيتۋت رەتىندە دە ماڭىزدى. بىراق قازىر بۇل فۋنكتسيانى وتباسى ەمەس, تەلەۆيزيا اتقارىپ وتىر. بۇل دا قوعام نورمالارىنىڭ وزگەرىسىنە اكەلەدى», دەدى پروفەسسور.
ءىس-شارا وتباسى, گەندەر جانە دەموگرافيا ساياساتى سالاسىنداعى ۇيىمدار مەن ساراپشىلاردىڭ ىنتىماقتاستىعىن ارتتىرۋ ماقساتىندا ۇيىمداستىرىلعان. جيىن سوڭىندا قاتىسۋشىلار ءوزارا پىكىر الماسىپ, وتباسى ينستيتۋتىن نىعايتۋ جانە وسى سالاداعى وزەكتى ماسەلەلەردى وڭتايلى شەشۋ جونىندەگى ۇسىنىستارىن جەتكىزدى.
