وزگە ماتچتار مىناداي ناتيجەلەرمەن اياقتالدى: «قايسار» – «اتىراۋ» – 1:1, «جەڭىس» – «تۇران» – 1:0, «ورداباسى» – «قىزىلجار» – 1:1, «استانا» – «توبىل» 2:2 جانە «جەتىسۋ» – «شاحتەر» – 1:0. ەل چەمپيوناتىنىڭ التىنشى تۋر ويىندارى 27 مەن 28 ءساۋىر كۇندەرى وتەدى.
- ساناۋلى كۇندەردەن كەيىن قىتايدىڭ شانحاي قالاسىندا ساداق اتۋدان الەم كۋبوگىنىڭ كەزەڭدىك سايىسى باستالادى. قازاقستان قۇراماسىنىڭ باس باپكەرى ارتەم كيچكين اتالعان جارىستا مىنا مەرگەندەرگە سەنىم ارتىپ وتىر: يلفات ابدۋللين, داۋلەتكەلدى جاڭبىرباي, ءاليحان مۇستافين, الەكساندر ەرەمەنكو (كلاسسيكالىق ساداق اتۋ, ەرلەر), الينا ءىلياسوۆا, گاۋھار يگىباەۆا, ديانا تۇرسىنبەك, الۋا مۇحتارحانوۆا (كلاسسيكالىق ساداق اتۋ, ايەلدەر), سەرگەي حريستيچ, اقبارالى قاراباەۆ, اندرەي تيۋتيۋن, بۋنەد مىرزامەتوۆ (بلوكتىق ساداق اتۋ, ەرلەر), ادەل جەكسەنبينوۆا, ۆيكتوريا ليان, ەلميرا رايسوۆا جانە ايجان سەيداحمەتوۆا (بلوكتىق ساداق اتۋ, ايەلدەر).
- تەننيسشىلەردىڭ الەمدىك رەيتينگى جاڭارتىلدى. جەرلەستەرىمىزدىڭ اراسىندا ەڭ ۇزدىك ناتيجە ءالى دە ەلەنا رىباكيناعا تيەسىلى. ول WTA رەيتينگىندە ءتورتىنشى ورىندا تۇر. رىباكينا تەك پولشالىق يگا شۆەنتەك, بەلارۋستىك ارينا سوبولەنكو جانە امەريكالىق كوري گاۋففتان قالىپ كەلەدى. ەلىمىزدىڭ ەكىنشى راكەتكاسى يۋليا پۋتينتسەۆا 50-ورىندى ەنشىلەسە, جىبەك قۇلامباەۆ 492-ساتىعا جايعاستى. ەرلەر اراسىندا سەربيالىق نوۆاك دجوكوۆيچ, يتاليالىق ياننيك سيننەر جانە يسپانيالىق كارلوس الكاراس الدا كەلەدى. قازاقستاننىڭ ويىنشىلارى اراسىندا ەڭ ۇزدىك كورسەتكىش الەكساندر بۋبليككە تيەسىلى. ول 18-ساتىعا تۇراقتادى. وزگە وتانداستارىمىزدىڭ كورسەتكىشتەرى مىناداي: الەكساندر شەۆچەنكو – 59, ميحايل كۋكۋشكين – 129, بەيبىت جۇقاەۆ – 182, دەنيس ەۆسەەۆ – 184, دميتري پوپكو – 234 جانە تيموفەي سكاتوۆ – 271.
- بىشكەكتە جالاۋى جەلبىرەگەن دۇيشەنقۇل شوپوكوۆتىڭ مەموريالىندا قازاقستاننىڭ ەكى بوكسشىسى اقتىق سىنعا دەيىن القىنباي جەتىپ, ەكەۋى دە التىن تۇعىرعا كوتەرىلدى. 86 كگ سالماقتاعى امان قازانقاپوۆ شەشۋشى تۇستا ازيا چەمپيوناتىنىڭ ءۇش دۇركىن قولا جۇلدەگەرى, قىرعىزستاندىق ەركىن ادىلبەك ۇلىن سۇرىندىرسە, 75 كگ سالماقتاعى رينگ قوجايىنى دانيەل ءابدىراحمانوۆ ءبىزدىڭ باقبەرگەن الياسقاروۆپەن جەكپە-جەككە شىعۋدان باس تارتتى.
- شۆەيتساريادا «رومانديا تۋرى» باستالدى. 28 ساۋىرگە دەيىن سوزىلاتىن جارىستا «استانانىڭ» نامىسىن الەكسەي لۋتسەنكو, حارولد تەحادا, يگور چجان, سانتياگو ۋمبا, حەنوك مۋليۋبىرحان, دانيل مارۋحين جانە انتون كۋزمين سىندى ۆەلوشاباندوزدار قورعاپ جاتىر.
- 25-28 ءساۋىر ارالىعىندا نوۆوسىبىردە شايبالى حوككەيدەن «بولاشاق كۋبوگى» دەپ اتالاتىن حالىقارالىق ءتۋرنيردىڭ جالاۋى جەلبىرەيدى. بۇل جارىستا قازاقستان, رەسەي جانە بەلارۋستىڭ جاستار قۇراما كوماندالارى ءوزارا شەبەرلىك بايقاسادى.
- كۇنى كەشە عانا شتۋتگارتاعى تۋرنيردە اسقان شەبەرلىك تانىتىپ, باس جۇلدەنى ولجالاعان ەلەنا رىباكينا بىردەن يسپانياعا اتتاندى. بۇل جەردە تاعى ءبىر ءدۇبىرلى دودانىڭ شىمىلدىعى ءتۇرىلدى. جۇلدە قورى 7 877 020 دوللاردى قۇرايتىن جارىستىڭ تۇساۋكەسەر كەزدەسۋىندە قازاقستاننىڭ ەڭ ۇزدىك تەننيسشىسى WTA رەيتينگىندە 37-ورىندا تۇرعان قىتايلىق يۋان فەمەن كۇش سىناسادى. ءدال وسى مادريدتەگى تۋرنيردە الەكساندر بۋبليك پەن الەكساندر شەۆچەنكو دا شەبەرلىك بايقاسادى.
