فوتو: جول اكتيۆتەرى ساپاسىنىڭ ۇلتتىق ورتالىعى
«بيىل جول-قۇرىلىسى ماۋسىمى سۋ تاسقىنىنا بايلانىستى توتەنشە جاعدايدا باستالدى. بۇعان قاراماستان, قر كولىك مينيسترلىگىنە قاراستى اۆتوموبيل جولدارى كوميتەتى «جول اكتيۆتەرى ساپاسىنىڭ ۇلتتىق ورتالىعى» رمك (جاسۇو) ماۋسىمدىق جۇمىستارعا تىڭعىلىقتى دايىندالدى. قازىرگى كەزدە جول اكتيۆتەرى ساپاسىنىڭ ۇلتتىق ورتالىعى كولىك مينيسترلىگىنىڭ تاپسىرماسى بويىنشا ەلىمىزدەگى بارلىق اسفالت-بەتون زاۋىتتارىن تەكسەرۋدى باستادى. وسى جۇمىستاردى جۇزەگە اسىرۋ ءۇشىن جاسۇو-نىڭ ايماقتاردا 15 سىناق زەرتحاناسى بار. بيىل جاڭادان اشىلعان وبلىس فيليالدارىندا تاعى 2 زەرتحانا اشۋ جوسپارلانىپ وتىر», دەلىنگەن ورتالىق مالىمەتىندە.
بيىلعى ماۋسىمدا سەرىكتەستىك ماماندارى رەسپۋبليكالىق جەلىدەن 10 مىڭ, جەرگىلىكتى جولداردان 30 مىڭ سىناما جول قۇرىلىس ماتەريالدارىن الىپ, زەرتتەۋ جۇمىستارىن جۇرگىزىپ جاتىر. وسى ۋاقىتقا دەيىن جاسۇو فيليالى 1,5 مىڭ ينسپەكتسيالىق تەكسەرىسكە شىعىپ, 2 جول قۇرىلىس ماتەريالدارىن ىرىكتەپ, سىناقتان وتكىزدى.
تاراتىلعان اقپاراتقا سايكەس, 2023 جىلدىڭ سوڭىندا 11,4 مىڭ تەكسەرۋ جۇرگىزىلدى (رەسپۋبليكالىق جەلى – 3,6 مىڭ, جەرگىلىكتى جەلى – 7,8 مىڭ), 40,3 مىڭ جقم سىناماسى (رەسپۋبليكالىق جەلى – 10,1 مىڭ, جەرگىلىكتى جەلى – 30,2 مىڭ) سىناقتان ءوتتى.
قىرمىزى جۇماعاليقىزى,
ەۇۋ ستۋدەنتى
