«AMANAT»-تىڭ اتقارۋشى حاتشىسى داۋلەت كارىبەك سۋ تاسقىنى باستالعالى بەرى پارتيالىقتار مەن «جاستار رۋحىنىڭ» بەلسەندىلەرى زارداپ شەككەن ادامدارعا كومەك كورسەتۋ جۇمىسىنا بىردەن قوسىلعانىن ايتتى.
«مەملەكەت باسشىسى ءار ازاماتتىڭ شىنايى وتانشىلدىعى ناقتى ءىس جۇزىندە بايقالىپ جاتقانىن ايتقان ەدى. پرەزيدەنتتىڭ ۇندەۋىمەن, ەلىمىزدىڭ تۇكپىر-تۇكپىرىندەگى ۆولونتەرلەر سۋ باسقان قالالار مەن اۋىلدارعا اتتاندى. ويتكەنى – وزگەنىڭ قايعىسى دەگەن ۇعىم جوق. ولار گۋمانيتارلىق كومەك جەتكىزىپ, جاعالاۋلاردى نىعايتىپ, بوگەت تۇرعىزىپ, قۇتقارۋشىلارعا اس-اۋقات ۇيىمداستىرىپ جاتىر. بۇگىندە ۆولونتەرلەر قوزعالىسى قۋاتتى قوعامدىق كۇشكە اينالدى», دەدى ول.
«AMANAT»-تىڭ اتقارۋشى حاتشىسى پارتيانىڭ ەل اۋماعىنداعى فيليالدارى جانىنان گۋمانيتارلىق كومەك قابىلداۋ پۋنكتتەرى اشىلعانىن ايتتى. ءبىر ايعا جەتەر-جەتپەس ۋاقىتتا 4000 تونناعا جۋىق ازىق-ت ۇلىك, كيىم-كەشەك, گيگيەنالىق كەرەك-جاراقتار, قۇرىلىس ماتەريالدارى جانە وزگە دە قاجەتتى زاتتار جينالدى. ال اتىراۋدا پارتيانىڭ باستاماسىمەن ۇزىندىعى 22 شاقىرىمدى قۇرايتىن بوگەت قۇرىلىسى اياقتالىپ جاتىر. وعان 1,3 مىڭ جۇمىسشى, 120 بىرلىك تەحنيكا جۇمىلدىرىلدى. بوگەتتى 6 مەترگە دەيىن بيىكتەتۋ جۇمىسى باستالدى.
7 ساۋىردە مەملەكەتتىك كەڭەسشى ەرلان قاريننىڭ باستاماسىمەن سۋ تاسقىنىنا قارسى كۇرەس جۇمىسى اياسىندا رەسپۋبليكالىق ۆولونتەرلەر شتابى قۇرىلدى. وعان ەلىمىزدەگى ءىرى رەسپۋبليكالىق جاستار ۇيىمدارى مەن قوعامدىق قورلارى قوسىلدى. بۇل جۇمىستى «AMANAT» پارتياسىنىڭ «جاستار رۋحى» جاستار قاناتى ۇيلەستىرەدى.
«بۇگىندە وسى ۇيىمداردىڭ 50 مىڭعا جۋىق مۇشەسى مەن ۆولونتەرى زارداپ شەككەن تۇرعىندارعا كومەك قولىن سوزىپ ءجۇر. قۇتقارۋشىلارمەن تەڭ دارەجەدە كومەك كورسەتىپ, العى شەپتە جۇرگەن جاستار سانى ۇنەمى ارتىپ كەلەدى. جەرگىلىكتى ورگاندار مەن ۆولونتەرلەر تىعىز جۇمىس ىستەۋدە. باستى مىندەت – زارداپ شەككەن بارلىق ادامعا بارىنشا جەدەل كومەك كورسەتۋ», دەدى «جاستار رۋحى» جاستار قاناتىنىڭ توراعاسى اقەركە يسكاندەروۆا.
ءوز كەزەگىندە, زاڭگەر اقەركە كۇنعازىقىزى زارداپ شەككەن ادامداردىڭ جوعالعان قۇجاتتارىن راسىمدەۋگە جانە ولاردىڭ وتەماقى الۋ ءۇشىن ءوتىنىش بەرۋىنە كومەك كورسەتۋدى ۇسىندى. ايتا كەتەيىك, ءدال وسى ماقساتتا پارتيانىڭ «قۇقىقتىق كومەك» جوباسىن جۇزەگە اسىرۋ جۇمىسى جالعاسۋدا. «AMANAT»-تىڭ وڭىرلىك قوعامدىق قابىلداۋ بولمەلەرى سولتۇستىك قازاقستان جانە قوستاناي وبلىستارىنداعى ەۆاكۋاتسيالاۋ پۋنكتتەرىندە 10 رەت كوشپەلى قابىلداۋ وتكىزدى. سونىڭ اياسىندا 1160 ادام كونسۋلتاتيۆتىك-قۇقىقتىق كومەك الدى.
وسى ورايدا «قازاقستان جاستار كونگرەسىنىڭ» اتقارۋشى ديرەكتورى باقداۋلەت جاندىلداەۆ تج كەزىندەگى ۆولونتەرلەر مەن جەرگىلىكتى اتقارۋشى ورگانداردىڭ ءوزارا ءىس-قيمىل الگوريتمىن ازىرلەۋ تۋرالى باستاما كوتەردى.
قازاقستان ستۋدەنتتەرى اليانسىنىڭ توراعاسى ۇلان ناۋكەن ستۋدەنتتىك قوعامداستىق اتىراۋ قالاسىنىڭ ماڭىنداعى جاعالاۋدى نىعايتۋ جۇمىسىنا بەلسەندى اتسالىسىپ جاتقانىن ايتتى. ونىڭ ايتۋىنشا, تابيعي اپات اياقتالعاننان كەيىن ۆولونتەرلەردى قۇم سالىنعان قاپتاردان تۇرعىزىلعان ۋاقىتشا بوگەتتەردى الىپ تاستاۋ جۇمىسىنا جۇمىلدىرۋ قاجەت.
سونداي-اق ءىس-شاراعا «مەديتسينا جاستارىنىڭ» توراعاسى ابىلايحان ءابدىراش, «اسسامبلەيا جاستارىنىڭ» توراعاسى تيمۋر جۇمىرباەۆ, ۇلتتىق ۆولونتەرلىك جەلى باسشىسىنىڭ ورىنباسارى ايبەك دوسىمبەتوۆ, «Dauletten qory» قايىرىمدىلىق قورىنىڭ ديرەكتورى جاسۇلان قۋاندىق, «اۋىل» حدپپ «اۋىل جاستارى» جاستار قاناتىنىڭ توراعاسى داۋرەن راحىمبەك, قركف جانىنداعى «كەلەشەك» رەسپۋبليكالىق جاستار كەڭەسىنىڭ توراعاسى ايان سالىمگىرەەۆ, «Biz Birgemiz» قورىنىڭ توراعاسى پەريزات قايرات قاتىستى.
