«تازا قازاقستان» ەكولوگيالىق ناۋقانى جامبىل وبلىسى اۋماعىندا «تازا اۋلا. تازا ولكە. تازا ەل!» اتاۋىمەن ۇيىمداستىرىلىپ جاتىر. اكتسيانىڭ ءۇشىنشى اپتاسى «جاسىل ايماق» دەگەن اتاۋعا يە بولعان. بۇل اپتادا تارازدىقتار اعاش كوشەتتەرىن وتىرعىزۋدى قولعا الدى.
«تازا قازاقستان» اكتسياسى اياسىندا «قىزىلاباد» الابىندا №11 اۋماقتىڭ تۇرعىندارى مەن جاستار اراسىندا اعاش كوشەتتەرىن وتىرعىزۋدان جارىس ۇيىمداستىرىلدى. سايىسقا وبلىستىق جانە قالالىق جاستار رەسۋرستىق ورتالىقتارى, №11 اۋماقتىق وكرۋگتىڭ تۇرعىندارىنان قۇرالعان كوماندالار قاتىسىپ, جالپى سانى 1200 قارا اعاش ەكتى.
جەڭىمپازداردى انىقتاۋ ءۇشىن 7 ادامنان قۇرالعان ارنايى كوميسسيا قۇرامى بەكىتىلىپ, ەگىلگەن كوشەتتەردىڭ سانى, اعاش وتىرعىزۋعا ارنالعان جەردىڭ دۇرىس قازىلۋى مەن كوشەتتەردىڭ قانشالىقتى دۇرىس ەگىلگەنىن زەردەلەدى.
جارىس قورىتىندىسىندا ءى ورىندى تاراز قالالىق جاستار رەسۋرستىق ورتالىعى, ءىى ورىندى «قۇمشاعال جاستارى», ءىىى ورىندى وبلىستىق «اۋليەاتا جاستارى» كومانداسى يەلەندى. جەڭىمپازدارعا قارجىلاي سىيلىقتار مەن ارنايى ديپلوم تابىستالدى. اكتسيا اياسىنداعى جۇمىس الداعى كۇندەرى جالعاسىن تابادى.
