فوتو: تجم
اتالعان ايماقتا قۇتقارۋشىلار مەن ەرىكتىلەردىڭ جۇمىسى ءالى جالعاسىپ جاتىر. ولار وزەن, سۋ قويمالارىنىڭ جاعالاۋىنا قۇم قورعان مەن قاپشىق توسەۋ, حالىققا ءتيىستى كومەك كورسەتۋمەن اينالىسىپ ءجۇر.
«ال اتىراۋ وبلىسى جىلىوي اۋدانىنىڭ قۇلسارى قالاسىندا سۋ باسقان ۇيلەر مەن اۋماقتارداعى سۋدى سورۋ جانە سۋدىڭ باعىتىن بۇرۋ, جايىق وزەنى بويىندا جاعالاۋدى بەكىتۋ جۇمىسى قىزا ءتۇستى. سولتۇستىك قازاقستان وبلىسىندا دا سۋ تاسقىنى جاعدايى ءالى دە كۇردەلى. سۋ باسقان ۇيلەر مەن اۋماقتاردان سۋدى سورۋ جۇمىستارى, ەسىل وزەنىندەگى سۋدىڭ دەڭگەيىنە مونيتورينگ جۇرگىزىلىپ جاتىر», دەدى تجم وكىلى.
سونداي-اق ەەسپۋبليكا بويىنشا 26 785 ادام ۇيلەرىنە ورالدى. 8 795 ادام, ونىڭ ىشىندە 3 828 بالا ەۆاكۋاتسيالاۋ پۋنكتتەرىندە قالدى. 4 708 تۇرعىن ءۇي مەن 2 774 اۋلا اۋماعىنان سۋ بۇرىلىپ, سورىلدى.
