فوتو:قر سەنات
سەنات توراعاسى ماۋلەن اشىمباەۆ ۇسىنىلعان كىتاپتاردىڭ ۇلتتىق بىرەگەيلىكتى ساقتاۋدا تاريحي ماڭىزى بار ەكەنىن اتاپ ءوتتى. ونىڭ ايتۋىنشا, سياسى كەپپەگەن جاڭا كىتاپتار بىرەگەي تاريحي مالىمەتتەر مەن مۇراعات ماتەريالدارىن جان-جاقتى قامتىعان.
«ەل پرەزيدەنتى قاسىم-جومارت توقاەۆتىڭ تاپسىرماسى بويىنشا ەلىمىزدە قازاقستاننىڭ جاڭا اكادەميالىق تاريحىن جازۋ باعىتىندا ماقساتتى جۇمىستار قولعا الىندى. وتاندىق عالىمدار مەن تاريحشىلار كونە زاماننان بۇگىنگە دەيىنگى كەزەڭدى قامتيتىن جەتى تومدىق ەڭبەكتى ازىرلەپ جاتىر. كوپتومدىقتىڭ باستى ماقساتى – تاۋەلسىزدىگىمىزدىڭ تاريحىن تەرەڭ ۇعىنىپ, تاريحىمىزدى وبەكتيۆتى تۇردە قابىلداۋدى قالىپتاستىرۋ. وسىنىڭ بارلىعى بۇگىن تۇساۋى كەسىلگەن «مۇستافا», «ابىزدار اماناتى», «تامىر», «نۇكتە فيلوسوفياسى» جانە «تاشقا جازعان تاريح» كىتاپتارىنداعى يدەيالارمەن تىعىز استاسىپ جاتىر», دەدى ماۋلەن اشىمباەۆ.
سونداي-اق ءىس-شارادا كورنەكتى مەملەكەت جانە قوعام قايراتكەرلەرى, زيالى قاۋىم وكىلدەرى, عالىمدار, جازۋشىلار مەن جۋرناليستەر ءسوز سويلەدى.
قىرمىزى جۇماعاليقىزى,
ەۇۋ ستۋدەنتى
