فوتو: stan.kz
مۇنداي تاپسىرمانى قارجىلىق مونيتورينگ اگەنتتىگىنىڭ توراعاسى دميتري مالاحوۆ بەردى. ول بيۋدجەتتەن بولىنگەن اقشانىڭ قايدا كەتكەنىن ساپالى تەكسەرۋ مەن باعالاۋ قاجەت ەكەنىن العا تارتتى.
«اگەنتتىكتىڭ اۋماقتىق دەپارتامەنتتەرىنىڭ باسشىلارى مەملەكەتتىك ورگاندار مەن شارۋاشىلىق سۋبەكتىلەرىنىڭ قىزمەتىنە ارالاسپاي, بوگەتتەر, سۋ بۇرۋ وبەكتىلەرىن سالۋ, سونداي-اق وزەن ارنالارىن تەرەڭدەتۋ ءۇشىن اقشانى ۇتىمدى پايدالانۋدى زەردەلەۋى قاجەت», دەدى دميتري مالاحوۆ.
ەسكە سالايىق, مەملەكەت باسشىسىنىڭ تاپسىرماسى بويىنشا ۇكىمەت, كۆازيمەملەكەتتىك كومپانيالار, كاسىپكەرلەر مەن قوعامدىق قورلار 140 ملرد تەڭگەدەن استام قارجى بولگەن. وسى تۇستا قما باسشىسى ەلدەگى سۋ تاسقىنى سالدارىن جويۋ ماقساتىندا بولىنگەن قارجىنى ماقساتتى پايدالانۋ مەن زارداپ شەككەن بارلىق ازاماتقا ناقتى كومەك كورسەتۋ شارالارىن قامتاماسىز ەتۋدى تاپسىردى.
ناتيجەسىندە, قارجىلىق مونيتورينگ ورگاندارى الماتى قالاسىندا, اقتوبە, قىزىلوردا جانە ۇلىتاۋ وبلىستارىندا اقشا جىمقىرۋ بەلگىلەرى بويىنشا ءتورت ءىس قوزعادى. 5 ادام كۇدىكتى دەپ تانىلدى. زالالدىڭ جالپى سوماسى 1 ملرد تەڭگەدەن استى.
«سونىمەن قاتار «زارداپ شەككەندەرگە كومەكتەسۋ» ءۇشىن اقشا جينايتىن الاياقتارعا قارسى ءىس-شارالار كەشەنى قابىلدانادى. ودنا بولەك باعانىڭ وسۋىنە جول بەرمەۋگە ەرەكشە نازار اۋدارۋ تاپسىرىلدى. ول ءۇشىن ازىق-ت ۇلىك, اۋىزسۋ, ءدارى-دارمەك جانە باسقا دا قاجەتتى زاتتاردىڭ باعاسىنا مونيتورينگ جۇرگىزىلەدى», دەلىنگەن قما حابارلاماسىندا.
سونداي-اق قۇرىلىس ماتەريالدارىنىڭ باعاسىمەن الىپساتارلىق تاۋەكەلدەرىن الدىن الۋ قىزمەتى دە جانداندى. انىقتالعان فاكتىلەرمەن كۇرەس اناليتيكالىق قۇرالداردى پايدالانا وتىرىپ جۇرگىزىلەدى.
