قارابۇلاق اۋىلدىق وكرۋگىنە قاراستى اقاي نۇسىپبەكوۆ اۋىلىنداعى ەگىس القابىنا وبلىستىق اۋماقتىق ينسپەكتسياسى باسشىسىنىڭ ورىنباسارى دارحان كارىباي ۇلى, وسىمدىكتەردى قورعاۋ جانە كارانتين عىلىمي زەرتتەۋ ينستيتۋتىنىڭ ەنتومولوگى ءىزباسار يساتاي ۇلى كەلىپ, جايىلعان قۇرتتىڭ ەكونوميكالىق زياندى شەكتىك دەڭگەيدەن اساتىنىن ايتىپ ءوتتى.
قۇرت قاپتاعان وڭىرگە ارنايى كەلگەن كەگەن اۋدانىنىڭ اكىمى نۇرباقىت مولداحمەت ۇلى مەن جاۋاپتى سالا باسشىلارى اۋىل حالقىمەن جۇزدەسىپ, زيانكەستى جويۋعا قاتىساتىن ازاماتتارعا ءدارى بۇرىككىش قۇرىلعىلار مەن ارنايى قورعانىش كيىمدەردى تابىستادى.
ۋلاۋ شاراسىنا قارابۇلاق, جالاعاش اۋىلدىق وكرۋگتەرىنىڭ اكىمدەرى مەن 137 شارۋا قوجالىعىنىڭ وكىلدەرى جيىلىپ, ەگىس القابىنداعى قاپتاعان قۇرتتىڭ كوزىن جويۋعا جۇدىرىقتاي جۇمىلدى.
القاپتى جايلاعان قۇرتتى ۋلاۋ جۇمىسىنا ءۇش تراكتور, ءبىر شتانگالى بۇرككىش اگرەگات قاتىستىرىلدى, سونداي-اق تۇرعىنداردىڭ قول قۋسىرىپ قاراپ تۇرماي, ءدارى بۇرىككىش قۇرىلعىلارمەن دە جابىلا قيمىلداۋىنىڭ ناتيجەسىندە ءۇش كۇننىڭ ىشىندە 7 گەكتار ايماققا «بي-58» پرەپاراتى سەبىلگەن.
