بۇل جاڭالىقتى ۇلىبريتانياداعى دارەم ۋنيۆەرسيتەتىنىڭ عالىمدارى اشتى. مامانداردىڭ بولجامىنشا, بۇل انتاركتيدا گوندۆانا سۋپەركونتينەنتىنىڭ قۇرامىندا بولعان كەزىندە قالىپتاسقان. گوندۆانا ىدىراعاننان كەيىن انتاركتيدا ۇشكە ءبولىندى. ولاردىڭ ارقايسىسىنىڭ اراسىندا تەرەڭ شۇڭعىمالار ورنالاسقان. اۋا رايى بىردەن سالقىنداعاندا, تاۋلاردىڭ باسىنا قار ءتۇستى. ال ەرىگەن سۋلار مۇحيتقا قاراي اعىپ, وزەن ارناسى پايدا بولدى. مىنە, سولار قانشاما عاسىردان كەيىن مۇز قاباتىنان تابىلىپ وتىر.
ەڭ ۇزىن دينوزاۆر
انگليادا ۇزىندىعى ەكى اۆتوبۋستان اساتىن تەڭىز دينوزاۆرىنىڭ سۇيەگى تابىلدى.
باۋىرىمەن جورعالاۋشىنىڭ قانشالىقتى ۇلكەن ەكەنىن عالىمدار ناقتى ايتا المايدى. بىراق تۇمسىعى مەن قۇيرىعىن قوسقاندا ۇزىندىعى شامامەن ەكى اۆتوبۋستىڭ ۇزىندىعىمەن بىردەي ەكەنى انىقتالعان. بۇل دينوزاۆر 202 ميلليون جىل بۇرىن مەزوزوي ءداۋىرىنىڭ ترياس جانە يۋرا كەزەڭدەرىنىڭ شەكاراسىندا ءومىر سۇرگەن. ساراپشىلار ونىڭ جاقتارىنىڭ ۇزىندىعى 25 مەترگە دەيىن جەتەتىن الىپ يحتيوزاۆرعا تيەسىلى ەكەنىن ايتادى. بىراق دورسەت جاعالاۋىنداعى جارتاستان تابىلعان پلەزيوزاۆردان ۇزىن. الايدا ونىڭ ولشەمىن ناقتى انىقتاۋ ءۇشىن تولىق باس سۇيەگى مەن قاڭقاسىن تابۋ كەرەك.
نانوروبوتتىڭ كومەگى
سان-ديەگو قالاسىنىڭ مەديتسينا ماماندارى نانوروبوتتىڭ كومەگىمەن ادامنىڭ اۋىرعان جەرىنە كەرەكتى ءدارىنى ءدال جەتكىزۋ سىناعىن ءساتتى جاسادى.
بۇل عىلىمي-تاجىريبەلىك زەرتحاناسىندا جاسالدى. عالىمدار بۇلشىق ەتتىڭ اۋىرعان جەرىنە نانوروبوتتىڭ كومەگىمەن ءدارىنى ءدال جەتكىزىپ, ادامنىڭ باسقا مۇشەسىنە ونىڭ كەرى اسەر ەتۋىنە جول بەرمەگەن. ەندى ولار الداعى تاڭدا نانوروبوتتىڭ كومەگىمەن ءتۇرلى دەرتتى ەمدەۋگە بولاتىنىن ايتادى. الدىمەن نانوروبوتتار ىسىك اۋرۋلارىن ەمدەۋگە قولدانىلماق.
