فوتو: ۆيدەودان الىنعان كادر
انىقتالعانداي, سۋديانىڭ ۇيالى تەلەفونىنا بەلگىسىز نومىردەن قوڭىراۋلار مەن قورقىتۋ حابارلامالارى تۇسكەن.
«قىلمىستىق كودەكستىڭ 407-بابىنىڭ 1-بولىگى (سوت تورەلiگiن جۇزەگە اسىرۋعا كەدەرگi جاساۋ ماقساتىندا سوتتىڭ قىزمەتiنە ارالاسۋ) بويىنشا سوتقا دەيىنگى تەرگەپ-تەكسەرۋ امالدارى باستالدى», دەلىنگەن جوعارعى سوتتىڭ مالىمدەمەسىندە.
سۋديا ايجان قۇلباەۆا جەكە قاۋىپسىزدىك شارالارىمەن قامتاماسىز ەتىلدى.
ودان بولەك الەۋمەتتىك جەلىلەردە سۋدياعا قاتىستى قىلمىستىق قۇقىق بۇزۋشىلىق ءىس-ارەكەتتەرى بار جاعىمسىز جاريالانىمدار انىقتالعانى حابارلاندى.
«تەكسەرۋ ءىس-شارالارىنىڭ ناتيجەلەرى بويىنشا تەرگەۋ ورگانى قىلمىستىق كودەكستىڭ 411-بابىنىڭ 1-بولىگى (سۋدياعا جالا جابۋ) بويىنشا قىلمىستىق ءىس قوزعادى», دەلىنگەن حابارلامادا.
ايتا كەتەيىك, ەلوردانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىسى قارالىپ جاتىر. سۋديا بولىپ وسى سوتتىڭ توراعاسى ايجان قۇلباەۆا تاعايىندالدى.
