فوتو: ۇقك
اقپاراتقا سايكەس, كۇدىكتى دەپ تانىلعان ءتورت قازاقستان ازاماتى الماتى قالاسىندا, الماتى جانە جامبىل وبلىستارىندا ۇستالعان. كۇدىكتىلەردى قاماۋعا الۋ وپەراتسياسىن ۇلتتىق قاۋىپسىزدىك كوميتەتى ىشكى ىستەر مينسيترلىگىمەن ءوزارا ارەكەتتەسە, پروكۋراتۋرا ورگاندارىنىڭ ۇيلەستىرۋىمەن جۇزەگە اسىردى.
«ولار رەسپۋبليكا اۋماعىندا تىيىم سالىنعان ءدىني-ەكسترەميستىك ۇيىمنىڭ ارەكەتىنە قاتىستى جانە ۇيىمداستىردى دەگەن كۇدىككە ءىلىندى», دەلىنگەن ۇقك اقپاراتىندا.
تۇرعىلىقتى جەرلەرى بويىنشا ءتىنتۋ جۇمىستارى بارىسىندا تىيىم سالىنعان ءدىني ادەبيەتتەر مەن باسقا دا زاتتاي دالەلدەمەلەر تابىلعان.
قىلمىستىق كودەكستىڭ 405-بابى بويىنشا سوتقا دەيىنگى تەرگەۋ جۇرگىزىلىپ جاتىر.
«اتاپ وتەتىن جايت, ۇستالعان ادامداردىڭ ەكەۋى بۇعان دەيىن وسىنداي قىلمىس جاساعانى ءۇشىن سوتتى بولعان», دەلىنگەن حابارلامادا.
قازىر ۇستالعاندارعا قاتىستى بۇلتارتپاۋ شاراسىن قولدانۋ ماسەلەسى شەشىلىپ جاتىر.
قىلمىستىق-پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريالانۋعا جاتپايدى.
