«وتاندىق بيزنەستىڭ بارلىق وكىلدەرىن وسى جاۋاپتى ساتتە شەتتە قالماۋعا جانە ادامدارعا كومەك قولىن سوزۋعا شاقىرامىن. تابيعي اپاتتان زارداپ شەككەن بارلىق تۇرعىندار مەن وڭىرلەرگە بارىنشا قولداۋ كورسەتۋ قاجەت. بۇگىندە بۇل ءبارىمىز ءۇشىن ورتاق مىندەت», دەدى مەملەكەت باسشىسى 1 ساۋىردە وتكەن رەسپۋبليكالىق شتاب وتىرىسىندا.
Maqsut Narikbayev University بۇل ۇندەۋگە بەلسەندى اتسالىسىپ, تابيعي اپاتتان زارداپ شەككەندەرگە قارجىلىق كومەك كورسەتۋ ماقساتىندا قايىرىمدىلىق قورلارىنا قوماقتى قاراجات ءبولدى.
ال MNU ستۋدەنتتەرى قايىرىمدىلىق جارمەڭكەسىن ۇيىمداستىرىپ, ەۋرازيا ۇلتتىق ۋنيۆەرسيتەتىمەن بىرلەسىپ قوستاناي جانە اتىراۋ وڭىرلەرىنە گۋمانيتارلىق كومەك جىبەردى.
سونداي-اق ۋنيۆەرسيتەت سۋ تاسقىنىنان زارداپ شەككەن ستۋدەنتتەردى وقىتۋ ءۇشىن 10 گرانت بولۋگە نيەتتى ەكەنىن حابارلادى. وعان قوسا گرانت يەگەرلەرىنە قوسىمشا قولداۋ كورسەتۋ ماقساتىندا ستۋدەنتەر ۇيىنەن كەزەكتەن تىس ورىن ءبولۋ تۋرالى ۇسىنىس قولداۋ تاپتى.
ايتا كەتەيىك, سۋ تاسقىنىنان زارداپ شەككەن ايماقتارعا گۋمانيتارلىق كومەك جيناۋ جۇمىستارى ودان ءارى جالعاسادى.
