سوسىن 1972 جىلى عانا اشىپتى. اشىپتى دا, از-ماز سۋ قۇيىپ, قايتا تىعىزداپ جاۋىپ تاستاپتى. بوتەلكەنى كۇن نۇرى تۇسەتىن جەرگە قويىپ, تىعىنىن مۇلدەم اشپاي قويادى. وسىمدىك 60 جىل بويى وسەدى. زەرتتەۋشىلەردىڭ ايتۋىنشا, تەپە-تەڭدىك كۇيىن جاقسى ساقتاپ, شاعىن ەكوجۇيەگە اينالعان.
ال ەڭ قىزىعى, 1960 جىلى جاي عانا قىزىعۋشىلىقپەن ەگىلگەن بۇل تۇقىم وتە ۇلكەن زەرتتەۋگە ارقاۋ بولعان. سويتسە, ەرىككەننىڭ ەرمەگى بولعان وسىمدىك NASA-نىڭ عارىشقا ەگىن ەگۋ ماقساتىن جۇزەگە اسىراتىن دايىن عىلىمي زەرتتەۋگە ۇلاسقان. ال لاتيمەر قوماقتى اقشاعا كەنەلگەن. تاڭعالاسىز.
50 ملن تۇراتىن كىتاپ
قىزىق. «دۇنيەدەگى ەڭ باعالى زات – كىتاپ» دەگەندى ەستىپ ءجۇرمىز. بىراق 50 ملن تۇراتىن كىتاپ تۋرالى بىلمەگەن ەكەنبىز...
بىلتىر الەمدەگى باعالى زاتتاردى ساتاتىن «Sotheby’s» كومپانياسى ەڭ قىمبات كىتاپتاردىڭ ءبىرىن ساتىلىمعا شىعارىپتى. ول كىتاپ – IX–X عاسىرلاردا جازىلعان, شامامەن 1100 جىل بولعان, ەۆرەي تىلىندەگى ساسسۋن كودەكسى. 396 بەتتەن تۇرادى. وسى كەزگە دەيىنگى تابىلعان ەرتەدەگى ءىنجىلدىڭ تولىق نۇسقاسى. كىتاپ باعاسى باس ساۋدادا 50 ميلليون دوللارعا دەيىن جەتكەن. تاۋىپ, جيناقتاعان – ءداۋىت سۇلەيمەن.
وسىعان دەيىنگى ەڭ قىمبات كىتاپ 43 ميلليون دوللار بولعان. ول – اقش-تىڭ العاشقى كونستيتۋتسيا كىتابى. 13 دانامەن عانا شىققان. ءبىر داناسىن ميللياردەر كەن گريففين 2019 جىلى 43,2 ميلليون دوللارعا ساتىپ العان ەكەن.
500 مىڭ جىلدىق ءتىس
ۇلىبريتانيا جاعاجايىندا دالا ءزىلىنىڭ ەكى كيلوگرامدىق ءتىسى تابىلدى.
قازبا قالدىقتارىن ىزدەيتىن ۇلىبريتانيا تۇرعىنى 500 مىڭ جىلدان استام ساقتالعان ءزىل ءتىسىن تاپتى. بۇل تۋرالى «New York Post» حابارلادى. باتىس ساسسەكس وكرۋگىنەن كەلگەن 56 جاستاعى كريس بيەن كلاكتون-نا-سي ماڭىنداعى جاعاجايدا سەرۋەندەپ جۇرگەندە, سۋدىڭ جانىندا تولقىندى ورنەگى بار وعاش زاتتى بايقايدى. ايەل ولجانى قازا باستاعاندا, تەرەڭدە جاتقانىن بىلەدى. جەردى ءبىرشاما قازعاننان كەيىن ءزىلدىڭ ءتىسىن تاپقانىن تۇسىنەدى. ايەل ءتىستىڭ جارتىسىن عانا تاپتىم دەپ بولجاعان. «مەن ادامداردىڭ وسى قازبانىڭ تەرەڭ جانە باي تاريحى تۋرالى بىلگەنىن قالايمىن», دەدى ول.
