كومپانيا 2025 جىلى 6G ورناتۋ سىناقتارىن ەرتە باستاماق. نەگىزىنەن تەحنولوگيانى كوممەرتسيالىق ىسكە قوسۋ 2030 جىلعا جوسپارلانعان بولاتىن. قىتاي «Unicom» توپ-مەنەدجەرىنىڭ باعالاۋى بويىنشا, ولار – 5G تەحنولوگياسىن قولدانۋدا كوشباسشىلىققا وتكەن. قىتايدىڭ ونەركاسىپ جانە اقپاراتتىق تەحنولوگيالار ءمينيسترى دجين چجۋانلۋن ەلدەگى سمارتفوندار نارىعى الەمدەگى ەڭ ءىرى نارىققا جاتاتىنىن, بۇل 6G-ءدىڭ دامۋىنا ىقپال ەتەتىنىن ايتقان ەدى. دەگەنمەن 6G-ءدىڭ پايدا بولۋى ادامزاتقا زيان تيگىزۋى مۇمكىن. قىتاي عالىمدارى تەراگەرتس تولقىندارىنىڭ ساۋلەلەنۋى مي جاسۋشالارىنىڭ كولەمىنىڭ ۇلعايۋىنا اكەلەدى دەپ قورقىپ تا وتىر. ساراپشىلار ىقتيمال قاۋىپتىڭ الدىن الۋ ءۇشىن 6G اسەرىن ودان ءارى زەرتتەۋ كەرەك ەكەنىن ءتۇسىندىردى.
ايدىڭ دا ۋاقىتى بار
ۋاقىت ۇعىمى جەردەگىلەرگە عانا ءتان ەدى. ال «NASA» ايدىڭ ۋاقىت جۇيەسىن جاساماق. ايدىڭ دا ءوز ۋاقىتى بار ەندى...
NASA ايدىڭ وزىندىك ۋاقىت جۇيەسىن قۇرۋدى جوسپارلادى. بۇل تۋرالى ءباسپاسوز حابارلاماسىندا ايتتى. سەبەبى اق ءۇي «NASA-عا» جانە اقش-تىڭ باسقا ۇيىمدارىنا حالىقارالىق عارىش اگەنتتىكتەرىمەن بىرىگىپ, ايدىڭ ۋاقىت جۇيەسىن ويلاپ تابۋدى تاپسىردى. ماماندار تەرەڭ زەرتتەۋ جۇرگىزىپ, 2026 جىلدىڭ سوڭىنا دەيىن ساقاداي-ساي قىلۋى كەرەك. ايدىڭ اۋىرلىق كۇشى جەرگە قاراعاندا از بولعاندىقتان, ونىڭ بەتىندە تۇرعان اتومدىق ساعاتتار جەر ساعاتتارىمەن سالىستىرعاندا 58,7 ميكروسەكۋندقا العا جىلجيدى. قازىرگى ۋاقىتتا بۇل ايىرماشىلىق بايلانىس جانە باسقا جۇيەلەر ءۇشىن وتە ماڭىزدى بولۋى مۇمكىن.
كۇيزەلىستى انىقتايتىن ساقينا
اقش-تا كۇيزەلىس دەڭگەيىن ۇيقى كەزىندە اقىلدى ساقينامەن انىقتاۋعا بولادى.
ۆەرمونت ۋنيۆەرسيتەتىنىڭ عالىمدارى ۇيقى كەزىندە ادام اعزاسى كۇيزەلىس دەڭگەيىن انىقتاۋعا بولاتىن كوپتەگەن سيگنالدار بەرەتىنىن ءبىلدى. ساراپشىلار وزدەرىنىڭ گيپوزەتتەرىن زەرتتەۋگە قاتىسۋشىلارعا تاراتقان اقىلدى ساقينالار ارقىلى راستادى. ماتەريال ۇيقى ساپاسى مەن سترەسس دەڭگەيى اراسىنداعى بايلانىستى كورسەتەدى. عالىمداردىڭ ايتۋىنشا, ۇدەرىس ءجۇرۋى ءۇشىن ادام 8-9 ساعات ۇيىقتاۋ كەرەك. ساقينا جۇرەك سوعىسىنىڭ جيىلىگى تۋرالى دەرەكتەردى جينايدى. سوعۋ جيىلىگى قالىپتاعىدان جوعارى بولعان سايىن كۇيزەلىس دەڭگەيى 3,6 پايىزعا وسەدى. سولاي جۇرەك دەرتتەرى مەن كۇيزەلىس دەر كەزىندە انىقتالىپ, الدىن الۋعا بولادى.
