فوتو: Expert17.ru
ەلوردالىق پوليتسياعا WhatsApp مەسسەندجەرىندە تاراپ جاتقان اقپارات تۋرالى حابار كەلىپ تۇسكەن. اقپاراتتا استانا قالاسىنىڭ ساۋدا-ويىن-ساۋىق ورتالىقتارىنىڭ بىرىندە تەراكت ۇيىمداستىرىلاتىنى جازىلعان.
«ماسكەۋدەگى «كروكۋس سيتي حوللداعى» تەراكت تۋرالى ەستىدىڭىز بە؟ مەن سىزگە «كەرۋەندەگى» تەراكت ءۇشىن ءبىر ميلليون تەڭگە ۇسىنامىن. قاجەتتى جابدىقتار ۇسىنىلادى, ال ءبىزدىڭ ادام ءسىزدى وقيعا ورنىنان الىپ كەتەدى. ۇسىنىستان باس تارتساڭىز, ۇيىڭىزگە كەلەمىز, تۇرعىلىقتى مەكەنجايىڭىزدى بىلەمىز», دەلىنگەن ەلوردا تۇرعىندارىنا جىبەرىلگەن حابارلامادا.
پوليتسەيلەر حابارلامانىڭ اۆتورى پاۆلودار مەكتەپتەرىنىڭ بىرىندە وقيتىن وقۋشى ەكەنىن انىقتادى. بالا اپكەسىمەن قالجىڭداماق بولعان.
«ونىڭ ارەكەتى قازاقستان رەسپۋبليكاسى قىلمىستىق كودەكسىنىڭ 273-بابى – تەرروريزم اكتىسى تۋرالى كورىنەۋ جالعان اقپارات تاراتۋ بويىنشا قارالادى. بىراق بالا قىلمىستىق جاۋاپكەرشىلىككە تارتىلاتىن جاسقا تولماعان. قىلمىستىق نەمەسە اكىمشىلىك قۇقىق بۇزۋشىلىق بەلگىلەرى بار قاساقانا ارەكەتتى جاساعانى ەسكەرىلىپ, ءبىلىم الۋشىنىڭ زاڭدى وكىلى كامەلەتكە تولماعان بالانى تاربيەلەۋ مەن وقىتۋ, قۇقىقتارى مەن مۇددەلەرىن قورعاۋ مىندەتتەرىن ورىنداماعانى ءۇشىن جازالاندى», دەپ ءتۇسىندىردى وبلىستىق پوليتسيا دەپارتامەنتامەنتىنىڭ ءباسپاسوز قىزمەتى.
قىرمىزى جۇماعاليقىزى,
ەۇۋ ستۋدەنتى
