حالىقارالىق عارىش پەن عىلىم كۇنىنە وراي اشىلعان ورتالىق سوڭعى ۇلگىدەگى تەلەسكوپتار ارقىلى تاڭعاجايىپ اسپان الەمىمەن تانىسىپ, زەرتتەۋ جۇمىسىن جۇرگىزۋگە مۇمكىندىك بەرەدى.
اشىلۋ راسىمىنە ۇلتتىق ينجەنەرلىك اكادەمياسىنىڭ پرەزيدەنتى باقىتجان جۇماعۇلوۆ, عىلىم جانە جوعارى ءبىلىم مينيسترلىگى عىلىم كوميتەتىنىڭ توراعاسى عالىمجان جانقۋاتوۆ, ءال-فارابي اتىنداعى قازۇۋ-دىڭ باسقارما توراعاسى-رەكتور جانسەيىت تۇيمەباەۆ, الماتى قالاسى كرەاتيۆتى يندۋستريا باسقارماسىنىڭ باسشىسى قايسار سارىباەۆ, وتاندىق جانە شەتەلدىك عالىمدار, وقىتۋشى-پروفەسسورلار قۇرامى مەن ءبىلىم الۋشى جاستار قاتىستى.
سالتاناتتى ءىس-شارادا جانسەيىت تۇيمەباەۆ امبەباپ نىسان عالىمدار مەن ستۋدەنتتەردىڭ عىلىمي جاڭالىقتارىن جانە عارىش الەمىندەگى بەيمالىم قۇپيالاردىڭ سىرىن اشاتىن عىلىمي ورتالىق بولاتىندىعىنا توقتالدى. رەكتوردىڭ ايتۋىنشا, «فارابي» وبسەرۆاتورياسى ستۋدەنتتەرگە تاجىريبەلىك ساباقتار وتكىزۋگە, جاس عالىمداردىڭ عىلىمي زەرتتەۋلەرمەن اينالىسۋىنا ارنالعان. جاڭا نىساندا ءبىلىم الۋشىلار اسپان دەنەلەرىن باقىلاي الادى. دەرەكتەردى وڭدەۋ, جيناۋ جانە تاراتۋ, قاشىقتان باسقارۋ, فوتومەترلەردى قولدانۋ تاجىريبەسى جاستاردىڭ عىلىمي-زەرتتەۋ جۇمىستارىنىڭ ناتيجەسىن جوعارىلاتىپ, الداعى ۋاقىتتا ءىرى تەلەسكوپتارمەن جۇمىس ىستەۋلەرىنە جول اشادى.
«فارابي» ورتالىعى وپتيكا دياگونالى 12 ديۋيم جانە فوكۋستىق ۇزىندىعى 3048 مم بولاتىن «Meade LX90-ACF وقۋ» تەلەسكوپىمەن جابدىقتالعان. سونىمەن قاتار مۇندا قولدانبالى تەلەسكوپتىڭ ءۇش ءتۇرى قويىلعان. تەلەسكوپتار ساتۋرن, مارس, يۋپيتەر جانە ولاردىڭ سەرىكتەرىن, جۇلدىزداردى, اي, كۇن جۇيەسىندەگى وزگە پلانەتالاردى, جاقىن عارىشتىق دەنەلەردى باقىلاۋعا مۇمكىندىك بەرەدى.
وبسەرۆاتوريادا ستۋدەنتتەر ءۇشىن تاجىريبەلىك ساباق وتكىزۋ جوسپارلانعان. بۇل ءادىس ءبىلىم الۋشىلارعا دالالىق جاعدايدا بىلىمدەرىن شىڭداۋعا, ەركىن فورماتتا ساباق وقۋلارى ءۇشىن ءتيىمدى بولماق.
ديزاينى كۇمبەزدى شاتىر رەتىندە جاسالعان «فارابي» وبسەرۆاتورياسى قازۇۋ قالاشىعىنداعى ءال-فارابي كىتاپحاناسى الدىنداعى اشىق الاڭعا ورنالاستىرىلدى.
الماتى
