سەنبىلىك بارىسىندا قوناەۆ قالاسىنىڭ ساياباق ايماعىندا مىڭعا جۋىق اعاش كوشەتى وتىرعىزىلدى. «تازا قازاقستان» رەسپۋبليكالىق اكتسياسىنا 300 مىڭنان اسا ادام قاتىستى. اتاپ ايتقاندا, وبلىستىڭ 250 مىڭعا جۋىق تۇرعىنى مەن جەرگىلىكتى اتقارۋشى جانە ورتالىق مەملەكەتتىك ورگانداردان 18 700, كاسىپورىندار مەن ۇيىمداردان 28 مىڭ ادام قورشاعان ورتاعا جاناشىرلىعىن تانىتتى. ناتيجەسىندە, جارتى كۇننىڭ ىشىندە وڭىردە 20 مىڭ تونناعا جۋىق قوقىس سىرتقا شىعارىلدى. تازالىق اكتسياسى اياسىندا اۋلالاردى قالپىنا كەلتىرۋ, سىرلاۋ جۇمىستارى جۇرگىزىلدى.
«وبلىستىڭ ءاربىر تۇرعىنىن وسىنداي اۋقىمدى اكتسياعا قاتىسۋعا, ءوڭىرىمىزدىڭ تازالىعىنا ءوز ۇلەسىن قوسۋعا شاقىرامىن. اينالانىڭ تازا بولۋى – ادامزاتتىڭ, ءوسىرىپ وتىرعان ۇرپاعىمىزدىڭ ساۋلىعى ەكەنىن ۇمىتپايىق», دەگەن وبلىس اكىمى مارات سۇلتانعازيەۆتىڭ ءوزى دە قولىنا كۇرەك ۇستاپ, اعاش وتىرعىزدى.
سەنبىلىك بارىسىندا ءوڭىر باسشىسى 4 جانە 7-ساياجاي الاپتارىنىڭ تۇرعىندارىمەن كەزدەستى. گاز جانە سۋمەن جابدىقتاۋ, جولداردى جوندەۋ ماسەلەلەرىن كوتەرگەن تۇرعىنداردىڭ تىلەگىن تىڭدادى. ساياجاي تۇرعىندارى وبلىس اكىمىنە اتقارىلىپ جاتقان ءتيىمدى جۇمىسى, حالىققا اشىقتىعى مەن جاقىندىعى ءۇشىن العىس ءبىلدىردى. كەزدەسۋ بارىسىندا جەر ۋچاسكەلەرىنە, كولىككە, مەكتەپتەر مەن بالاباقشالارعا قاتىستى ماسەلەلەر كوتەرىلدى. بارلىعىن مۇقيات تىڭداعان مارات ەلەۋسىز ۇلى تۇرعىندارعا ناقتى تۇسىنىكتەمە بەردى.
كوشەت ەگۋگە كەلەر بولساق, وبلىستاعى ەلدى مەكەندەردە 32,5 گەكتاردى قۇرايتىن اۋماققا جالپى سانى 13 700 تال اعاش وتىرعىزىلدى.
الماتى وبلىسى
