وسى جوبالاردىڭ قاتارىندا 1 - ماقساتتى قارجىلاندىرۋ باعدارلاماسى بويىنشا, 5 - گرانتتىق قارجىلاندىرۋ, 4 - جاس عالىمدارعا ارنالعان گرانتتىق قارجىلاندىرۋ بويىنشا جانە 22 - «جاس عالىم» باعدارلاماسى بويىنشا جوبالار ىسكە اسىپ جاتىر. عىلىمي جوبالارمەن د.الياسقاروۆ, ن. شاكيروۆا, د.بيليالوۆ, د.سابيروۆا, ن.ۇسەنوۆ, ا.ومىربەكوۆا, م.رەۆشانوۆا, ا.سىزدىقباەۆا, ە.جانىسبەكوۆا, م.ءادىلوۆ, ە.وسپانبەكوۆ, ب.اتابەكوۆا, ا.رىسحان, ا.سابيتقىزى, ب.بايجىگىت, ا.قۇتتىعاليەۆا, د.اسىموۆا, گ.راحيموۆا, ج.ومىربەكوۆا, ا.بەيكيتوۆا, ج.سامەتوۆا, د. ورىنباەۆا, ن.قونقاباەۆا, ە.تىلەۋبەردى, ا.سەيىلحان, ى.باقىتكارىم, د.ساديربەكوۆا, ج. جۇماباەۆا سياقتى جاس عالىمدار اينالىسىپ جاتىر.
بىلتىر ۋنيۆەرسيتەت عالىمدارى Scopus دەرەكتەر بازاسىندا 244 جانە Web of Science بازاسىندا 123 ماقالا جاريالاسا, ولاردىڭ جارتىسىنان استامىن دايىنداۋعا جاس عالىمدار ۇلەس قوسقان. سوڭعى جىلدارى ۋنيۆەرسيتەتتىڭ جاس عالىمدارى بىرنەشە رەسپۋبليكالىق جانە حالىقارالىق كونكۋرستاردا توپ جاردى. بۇل قاتاردا «جوو ۇزدىك وقىتۋشىسى» جەڭىمپازدارى, «تالانتتى جاس عالىمدارعا ارنالعان مەملەكەتتىك عىلىمي ستيپەنديا» يەگەرلەرى, «500 عالىم» باعدارلاماسى بويىنشا بولاشاق حالىقارالىق ستيپەندياسى, تۇڭعىش پرەزيدەنت قورى ۇيىمداستىرعان «التىن توبىلعى» بايگەسىنىڭ «دراماتۋرگيا» نوميناتسياسى بويىنشا گران-پري يەگەرى بار.
ۋنيۆەرسيتەتتىڭ جاس عالىمدارى وتاندىق جانە شەتەلدىك كونسۋلتاتيۆتىك-كەڭەسشىل جانە قوعامدىق عىلىمي ۇيىمداردا بەلسەندى جۇمىس ىستەپ كەلەدى. وسىلايشا, ەلىمىزدىڭ عىلىم سالاسىندا بولىپ جاتقان وزگەرىستەرگە بەيجاي قاراماي, عىلىم سالاسىنداعى زاڭنامالىق قۇجاتتاردىڭ, مەملەكەتتىك باعدارلامالاردىڭ, ەرەجەلەردىڭ جانە تاعى باسقا نورماتيۆتىك-قۇقىقتىق قۇجاتتاردىڭ مازمۇندارىنا وزگەرىستەر ەنگىزۋ بويىنشا ۇسىنىستار ازىرلەۋ, جاس عالىمداردىڭ قۇقىقتارىن قورعاۋ, قوعامدا عىلىمدى ناسيحاتتاۋ جانە تالانتتى جاستاردى عىلىمعا تارتۋ سياقتى جۇمىستاردا بەلسەندىلىك تانىتىپ وتىر.
2023 جىلدىڭ قورىتىندىسى بويىنشا قازاقستان رەسپۋبليكاسى جوعارى وقۋ ورىندارىنىڭ ۇزدىك 50 پوق باس رەيتينگىسىنە جاس عالىم, پوستدوكتورانت ەربول تىلەۋبەردى ەندى.
وسى جىلى ۋنيۆەرسيتەتتىڭ جاس زەرتتەۋشىلەر كەڭەسىنىڭ توراعاسى – شاحيسلام لايسحانوۆ پرەزيدەنت جانىنداعى ۇعا جاس زەرتتەۋشىلەر كەڭەسى توراعاسىنىڭ ورىنباسارى بولىپ تاعايىندالدى. ا.سەيىلحان ۇلتتىق عىلىمي كەڭەستىڭ, ءا.بايبول قازاقستان جازۋشىلار وداعىنىڭ جانە قازاقستان اۆتورلارى قوعامىنىڭ بەلدى مۇشەسى. سونىمەن قاتار جاس عالىمدار «قازاقستان جاس عالىم-پەداگوگتار قاۋىمداستىعىنىڭ» جانە «دۇنيەجۇزى قازاق جاس عالىمدار پلاتفورماسىنىڭ» مۇشەلىگىندە بەلسەندى ەڭبەك ەتىپ كەلەدى. بۇل دەرەكتەر جاس عالىمداردىڭ وتاندىق عىلىمي قاۋىمداستىقتاعى بەلسەندىلىگىن ايعاقتايدى.
2022 جىلى ۋنيۆەرسيتەت عىلىم دەپارتامەنتى جانىنان «جاس زەرتتەۋشىلەر كەڭەسى» قۇرىلىپ, كونسۋلتاتيۆتىك ۇيىمنىڭ قۇرامىندا بەلسەندى 26 جاس عالىم جۇمىس ىستەپ ءجۇر. كەڭەس قىزمەتى جاس زەرتتەۋشىلەردىڭ ءوزارا تاجىريبە الماسۋ الاڭىن قۇرۋ جانە ولاردىڭ عىلىمي جۇمىستارىنا عىلىمي-ادىستەمەلىك قولداۋ كورسەتۋگە باعىتتالعان ءىس-شارالاردى ۇيىمداستىرۋ, سونداي-اق ۋنيۆەرسيتەتتىڭ, ونىڭ ىشىندە جاس زەرتتەۋشىلەردىڭ عىلىمي جەتىستىكتەرى مەن ەڭبەكتەرىن ناسيحاتتاۋ ارقىلى عىلىمدى تانىمال ەتۋگە باعىتتالعان. جاس زەرتتەۋشىلەر ءوز جۇمىس جوسپارىنا سايكەس ۋنيۆەرسيتەتتىڭ العا قويعان ماقسات-مىندەتتەرىن جۇزەگە اسىرۋعا ءوز ۇلەستەرىن قوسىپ كەلەدى.
