ايماقتار • 15 ءساۋىر, 2024

اتىراۋدا تاسقىن سۋىن قابىلدايتىن ورىندار دايىندالىپ جاتىر

213 رەت

كورسەتىلدى

1 مين

وقۋ ءۇشىن

قازاقستاندا سۋ تاسقىنى قاۋپى ءالى دە سەيىلەر ەمەس. ەلدىڭ 8 وڭىرىندە توتەنشە جاعداي رەجيمى ساقتالىپ تۇر. سونىڭ ىشىندە اتىراۋ وبلىسىندا تاسقىن سۋدى قابىلداۋ ءۇشىن كانالداردا بوس ورىندار دايىندالىپ جاتىر, دەپ جازادى Egemen.kz.

دانا مىرزاقادىر

اتىراۋدا تاسقىن سۋىن قابىلدايتىن ورىندار دايىندالىپ جاتىر

فوتو: ۆيدەودان الىنعان كادر| سۋ رەسۋرستارى جانە يرريگاتسيا مينيسترلىگى

«قازسۋشار» مەكەمەسىنىڭ اتىراۋ وبلىستىق فيليالىنا قاراستى 4 كانالدا تاسقىن سۋىن قابىلداۋ ءۇشىن بوس ورىندار دايىندالىپ جاتىر. اتاپ ايتقاندا, سوكولوك, سارىوزەك, باقساي جانە نارىن كانالدارىنا ۆەگەتاتسيا ماۋسىمىنا جينالعان سۋ كاسپي تەڭىزىنە جىبەرىلگەن.

ناتيجەسىندە سوكولوك كانالى 2 ملن تەكشە مەتر, سارىوزەك كانالى 3 ملن تەكشە مەتر, باقساي كانالى 7 ملن تەكشە مەتر جانە نارىن كانالى 4,5 ملن تەكشە مەتر سۋ قابىلداۋعا دايىندالدى.

«بۇدان بولەك, «قازسۋشار» مەكەمەسى سارىوزەك كانالىنىڭ 5 شاقىرىمىنىڭ ءتۇبىن تەرەڭدەتۋ جۇمىستارى جۇرگىزىلدى. سونداي-اق كانال جانىنان 50 شاقىرىم سۋ بوگەتى سالىنىپ جاتىر جانە قورعانىستى نىعايتۋ ماقساتىندا كانالدىڭ جاعاسى قاپشىقتارمەن قوسىمشا 4-5 مەترگە كوتەرىلدى», دەپ حابارلادى سۋ جانە يرريگاتسيا مينيسترلىگىنىڭ ءباسپاسوز قىزمەتى.