حريزانتەمانىڭ كەيىنگى كەزدە جاستار اراسىندا كەڭىنەن سۇرانىسقا يە بولا باستاعانى بايقالادى. سوعان قاراپ ماحابباتتىڭ نىشانىن بىلدىرەتىن راۋشان گ ۇلىن الماستىرۋعا لايىق ەكەنىن جوققا شىعارۋعا بولمايدى. ەلتاي اۋىلدىق وكرۋگىندە ورنالاسقان بۇل جىلىجايدا وتكەن جىلدىڭ قازان ايىنان باستاپ وسى سورتتى جەرسىندىرىپتى. بالاشا باپتاپ, ەرەكشە كۇتىم جاساۋدىڭ ناتيجەسىندە بيىلعى كوكتەم مەرەكەسىندە 500 مىڭ داناعا جۋىعى ساتىلىمعا شىققان.
«بۇل – ەلىمىزدەگى العاشقى جوبا. جاڭا سورتتىڭ اۋماعى 3,5 گەكتار جەردى الىپ جاتىر. ساۋدا سورەسىنە جول تارتقان العاشقى ءوتىمى وتە جاقسى بولدى. دايىندىقتى وتكەن جىلدىڭ جەلتوقسان ايىنان باستاعانبىز, ناتيجە جامان بولمادى», دەگەن جىلىجايدىڭ باس اگرونومى ءمولدىر مىرزاحمەتوۆا گۇلدىڭ ءوسۋ ۇدەرىسىن بايانداپ بەردى.
ماماننىڭ ايتۋىنشا, گۇل كوشەتى وتىرعىزىلعاننان كەيىن 45 كۇن دەگەندە قاۋاشاعىن جارىپ, ءونىم بەرە باستايدى ەكەن. جىل ون ەكى اي بويى ءبىر تامىردان ءوسىپ شىققان ساباقتى بەس جىل بويى پايداعا جاراتۋدىڭ شارۋاشىلىق ءۇشىن تيىمدىلىگى وراسان زور.
وتاندىق وندىرىستە ويىپ ورىن الاتىن «ەco سultura» جىلىجاي كەشەنىنىڭ سول قاناتتا ورنالاسقان 3,5 گەكتار گۇلستانى 10 جىلدان بەرى جۇمىس ىستەپ كەلەدى. مۇندا گۇل اتاۋلىنىڭ 23 سورتى وسىرىلەدى. سوعان ساي جۇمىسى دا جىل بويى سايابىرسىعان ەمەس. ايىنا ورتا ەسەپپەن 800 مىڭ دانا گۇل ساتىلىمعا شىقسا, كورسەتكىش 8 ناۋرىز مەرەكەسى كەزىندە ميلليون داناعا جۋىقتاپتى. جوعارى ساپاعا يە ءونىمنىڭ جارتىسىنان استامى رەسەي نارىعىنا جونەلتىلەدى.
قىس بويى ىشكى تەمپەراتۋراسى 20 مەن 25 گرادۋس جىلىلىقتى ساقتايتىن الىپ كەشەندە 200-گە جۋىق اۋىل تۇرعىنى تۇراقتى جۇمىس ىستەپ, ءوز ناپاقاسىن تاۋىپ جۇرگەنىن ايرىقشا اتاۋ ءلازىم.
«مەن 6 جىلدان بەرى وسى جىلىجايدا جۇمىس ىستەپ كەلەمىن. مۇنداعى جۇمىسىمىز – گۇلدەردى سورتتاۋ. كۇنىنە 32 مىڭ داناداي گۇل سورتتالادى. جۇمىسىم وزىمە ۇنايدى. ەڭبەكاقىمىزدى دا ۋاقىتىندا الامىز», دەيدى گۇل سورتتاۋدىڭ شەبەرى جانيا قۇربانوۆا.
جىلدىڭ قاي مەزگىلىندە دە جاقىنىنا گۇل سىيلاپ, كوڭىل اۋلاپ, قۋانتا بىلەتىن تالعامى بيىك تۇتىنۋشىلار باردا جايقالعان جىلىجاي ءونىمىنىڭ سانى ارتپاسا كەمىمەسى انىق.
الماتى وبلىسى
