قر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاشتىڭ ايتۋىنشا, 11 786 ادام ۇيلەرىنە ورالدى. ۋاقىتشا ورنالاسۋ پۋنكتەرىنە 7 598 ادام, ونىڭ ىشىندە 3 288 بالا ورنالاسقان.
«بۇگىنگى تاڭدا اۆاريالىق-قۇتقارۋ جۇمىستارىندا 32 484 ادام, 3 709 تەحنيكا, 14 اۋە كەمەسى جۇمىلدىرىلدى. 9,4 ملن تەكشە مەتردەن استام ەرىگەن قار سۋى سورىپ شىعارىلدى, 2 ملن قاپشىق پەن 1,2 ملن توننادان استام ينەرتتى ماتەريال توسەلدى», - دەدى سپيكەر رەسپۋبليكالىق اقپاراتتىق شتابتا وتكەن بريفينگىدە.
قازىرگى ۋاقىتتا اتىراۋ, اقتوبە, اقمولا, قوستاناي, باتىس قازاقستان, سولتۇستىك قازاقستان وبلىستارىندا 4 870 جەكە تۇرعىن ءۇي, 1517 اۋلا اۋماعى جانە 2 035 ساياجاي ۇيلەرى سۋ استىندا قالعان.
«جەدەل جەلى» تەلەفوندارىنا 1 667 قوڭىراۋ كەلىپ ءتۇستى, 123 شۇعىل پسيحولوگيالىق كومەك كورسەتىلدى.
ەلىمىزدىڭ 8 وڭىرىندە: اقتوبە, قوستاناي, باتىس قازاقستان, اقمولا, قاراعاندى, اتىراۋ, سولتۇستىك قازاقستان جانە ۇلىتاۋ وبلىستارىندا جەرگىلىكتى اۋقىمداعى 36 تج رەجيمى كۇشىندە.
