تابيعي اپاتقا قارسى كۇرەستە ەل ازاماتتارى بىرىگىپ جاتىر. وسى تۇستا ۇلتتىق ۇلان دا نازاردان تىس قالمادى, اتاپ ايتقاندا, تاۋلىك بويى رەجيمدە جۇزدەگەن اسكەري قىزمەتشىلەر بار, جالپى 3 مىڭنان استام وفيتسەر مەن سەرجانتتار, كۋرسانتتار مەن قۇقىقتىق ءتارتىپ اسكەرلەرىنىڭ ساربازدارى تارتىلدى.
ۇلاندىقتار ازاماتتاردى تابيعي اپات ايماقتارى تۋرالى قۇلاقتاندىرۋعا جانە ەۆاكۋاتسيالاۋعا بەلسەندى قاتىسىپ جاتىر, ەۆاكۋاتسيالىق پۋنكتتەرگە گۋمانيتارلىق كومەك جىبەرىلدى, توناۋعا جول بەرمەۋ ماقساتىندا پوليتسيا قىزمەتكەرلەرىمەن بىرلەسىپ, سۋ تاسقىنىمەن قامتىلعان كوشەلەردى پاترۋلدەي وتىرىپ, قۇقىقتىق ءتارتىپتى قامتاماسىز ەتىپ وتىر, ودان بولەك, جاعالاۋدى نىعايتۋ جۇمىستارىن جۇرگىزىپ, سۋدى بۇرۋدى جانە كانالداردى تازارتۋدى جۇزەگە اسىرىپ جاتىر.
سۋ تاسقىنىنا قارسى ءىس-شارالاردى وتكىزۋ ءۇشىن قر ۇلتتىق ۇلانى اكادەمياسىنىڭ 400 كۋرسانتى جانە «ورتالىق» وڭىرلىك قولباسشىلىعىنىڭ پەتروپاۆل قالاسىنداعى 6637 اسكەري ءبولىمىنىڭ 200-گە جۋىق ساربازى تارتىلدى. ولار سۋ تاسقىنىنا قارسى ءىس-شارالاردى جۇرگىزۋگە جانە تۇرعىن ءۇي سەكتورىنىڭ ەرىگەن سۋلارمەن سۋ باسۋىنىڭ الدىن الۋعا كومەك كورسەتۋ ءۇشىن - كوجەۆنىي, ولشانكا, تەپليچنىي جانە بەسكول كەنتتەرىندە ينەرتتى ماتەريال سالىنعان قاپتاردى دايىنداۋ جانە توسەۋ ءۇشىن تارتىلدى. كۋرسانتتار مەن ساربازدار جاعالاۋدى نىعايتۋ جۇمىستارىنا بەلسەندى قاتىسادى جانە ينەرتتى ماتەريالدارمەن قاپتار جينايدى.
بۇدان باسقا, 5546 (اتىراۋ ق.) اسكەري ءبولىمىنىڭ قىزمەتشىلەرى 10 اۆتوتەحنيكا بىرلىگىندە 120 ادامنان استام سۋ تاسقىنىنا قارسى ءىس-شارالاردى وتكىزۋگە بەلسەندى قاتىسىپ ءجۇر, سونداي-اق پوليتسيا قىزمەتكەرلەرىمەن بىرلەسىپ قۇلسارى قالاسى كوشەلەرىندە توناۋعا جول بەرمەۋ بويىنشا قىزمەت اتقارادى.
ورال مەن اقتوبەدە سۋ تاسقىنىنا قارسى ءىس-شارالار مەن قوعامدىق ءتارتىپتى قورعاۋ ءۇشىن جەكە قۇرام تارتىلىپ جاتىر, دالىرەك ايتقاندا 5517 جانە 6655 اسكەري بولىمدەرى 800-دەن استام اسكەري قىزمەتشىنى جىبەردى.
جالپى 2 مىڭنان استام قۇقىقتىق ءتارتىپ جاۋىنگەرلەرى جاعالاۋدى نىعايتۋ جۇمىستارىنا بەلسەندى قاتىسىپ جاتىر, سۋ بۇرۋدى جانە كانالداردى تازارتۋدى جۇزەگە اسىرادى, ازاماتتاردى تابيعي اپات ايماقتارىنان ەۆاكۋاتسيالايدى, توناۋعا جول بەرمەۋ ماقساتىندا سۋ تاسقىنىمەن قامتىلعان ەلدى مەكەندەردى پوليتسيا قىزمەتكەرلەرىمەن پاترۋلدەي وتىرىپ, قۇقىقتىق ءتارتىپتى قامتاماسىز ەتىپ ءجۇر.
سونداي-اق بۇگىن كەشكە ورال جانە اتىراۋ قالالارىنا تەمىر جول كولىگىمەن تاعى مىڭعا جۋىق ۇلاندىقتار كەلەدى دەپ جوسپارلانىپ وتىر. دالىرەك ايتساق, 6506 (شىمكەنت ق.), 5547 (قىزىلوردا ق.) جانە 5451 (قاراعاندى ق.) اسكەري بولىمدەرىنىڭ اسكەري قىزمەتشىلەرى كەلگەننەن كەيىن وسى وڭىرلەردە سۋ تاسقىنىنا قارسى ءىس-شارالارعا كومەك كورسەتۋگە كىرىسەدى.
سونىمەن قاتار,پەتروپاۆل قالاسىنا كەلگەننەن كەيىن 200 اسكەري قىزمەتشىدەن تۇراتىن ۇلتتىق ۇلاننىڭ جەدەل بريگاداسىنىڭ جەكە قۇرامى سۋ باسقان ەلدى مەكەندەردىڭ كوشەلەرىندە توناۋعا جول بەرمەۋ ءۇشىن سولتۇستىك قازاقستان وبلىسى بويىنشا 3 اۋىسىمدا قوعامدىق ءتارتىپتى قورعاۋعا كىرىستى.
سۋ تاسقىنى باستالعاننان بەرى ۇلتتىق ۇلاننىڭ 120 اۋە جانە اۆتوموبيل تەحنيكاسى تارتىلعانىن اتاپ وتكەن ءجون. 1248 ادام ەۆاكۋاتسيالاندى, ينەرتتى ماتەريالدارى بار 294765 قاپشىق دايىندالدى جانە توسەلدى, جاعالاۋدى نىعايتۋ جۇمىستارى ءۇشىن 900 توننادان استام توپىراق شىعارىلدى جانە 91,5 توننادان استام گۋمانيتارلىق كومەك جەتكىزىلدى.
