فوتو: ۋيكيپەديا
پرەزيدەنت ارميان قاۋىمى قازاقستاننىڭ ەتنيكالىق پاليتراسىندا ەرەكشە ورنى بار ەكەنىن, قازاقستان قوعامىنىڭ اجىراماس بولىگى ەكەنىن اتاپ, ەلىمىزدە 20 مىڭنان استام ارميان حالقىنىڭ وكىلدەرى تۇراتىنىن, 31 ارميان ەتنومادەني بىرلەستىگى جۇمىس ىستەيتىنىن, ولاردىڭ قىزمەتى ۇلتتىق مادەنيەتتى, ءتىلدى, داستۇرلەر مەن تاريحتى دارىپتەۋگە باعىتتالعانىن تىلگە تيەك ەتتى.
«ەتنوسارالىق جانە كونفەسسياارالىق كەلىسىمنىڭ وتاندىق مودەلى – بۇل ءبىزدىڭ ەلىمىز الەمدە تانىلاتىن ماڭىزدى ولشەمدەردىڭ ءبىرى. قازاقستان 130 ەتنوس پەن 17 ءدىني كونفەسسيانىڭ ورتاق ۇيىنە اينالدى. وسىنداي ءار الۋاندىلىقپەن قازاقستان ەتنوسارالىق بىرلىكتىڭ بىرەگەي مودەلىن ازىرلەدى جانە وسى ءار الۋاندىلىقتى قوعام پايداسىنا اينالدىرا الدى. 2003 جىلعى قىركۇيەكتە استانادا الەمدىك جانە ءداستۇرلى دىندەر كوشباسشىلارىنىڭ ءبىرىنشى سەزى وتكەنى بەلگىلى. اتالعان فورۋم قازاقستاننىڭ سىرتقى ساياساتىنىڭ تانىمال برەندىنە اينالىپ, الەمدىك قوعامداستىقتا كەڭىنەن تانىلدى. ارمەنيا رەسپۋبليكاسى بۇل باستامانى بەلسەندى قولدايدى. ارميان اپوستول شىركەۋىنىڭ وكىلدەرى سەزد جۇمىسىنا تۇراقتى تۇردە قاتىسىپ كەلەدى», دەدى مەملەكەت باسشىسى.
پرەزيدەنت بۇگىندە مەملەكەتتىك ەتنوساياساتتى ىسكە اسىرۋ بويىنشا قازاقستان حالقى اسسامبلەياسىنا (قحا) ماڭىزدى ءرول بەرىلگەنىن, 2022 جىلدان باستاپ قحا جوعارى زاڭ شىعارۋشى ورگان – قازاقستان رەسپۋبليكاسى پارلامەنتىنىڭ سەناتىندا تانىستىرىلعانىن اتاپ, قازاقستانداعى ارميان ەتنوس وكىلدەرى قازاق قوعامىنىڭ بەلسەندى مۇشەلەرى بولىپ تابىلاتىنىن جانە قازاقستان حالقى اسسامبلەياسىنىڭ قاتىسۋشىلارى رەتىندە ءبىزدىڭ مەملەكەتىمىزدىڭ دامۋىنا جانە ارميان مادەنيەتىن ىلگەرىلەتۋگە ەلەۋلى ۇلەس قوسىپ كەلە جاتقانىن ايتتى.
«ولاردىڭ نەگiزگi قىزمەتiن تولىققاندى جۇزەگە اسىرۋ ءۇشiن ارميان ەتنومادەني بiرلەستiكتەرiنە باسقا ەتنوستارمەن بiردەي ەل وڭiرلەرiندەگi دوستىق ۇيلەرiندە ءۇي-جايلار بەرiلگەن. جەكسەنبىلىك ءتىل مەكتەپتەرىنىڭ, بي جانە مۋزىكا ۇجىمدارىنىڭ جۇمىسى ءۇشىن جاعداي جاسالعان, بۇل ۇلتتىق مادەنيەت پەن ءداستۇردى ساقتاۋعا جانە دامىتۋعا ىقپال ەتەدى. بۇگىندە ارميان قاۋىمى وكىلدەرى قازاقستاندا ەتنوسارالىق كەلىسىمدى نىعايتۋ جونىندەگى مەملەكەتتىك ساياساتتى ىسكە اسىرۋعا تىكەلەي قاتىسىپ جاتىر. جالپى, ۋاقىت سىنىنان وتكەن قازاق-ارميان دوستىق پەن ءوزارا تۇسىنىستىكتىڭ ەڭ جارقىن بولاشاعى بار دەپ سەنىممەن ايتا الامىن», دەدى مەملەكەت باسشىسى.
