نەكەلەسۋدىڭ جالپى كوەففيتسيەنتى 6,07 قۇرادى (1000 ادامعا شاققاندا). وڭىرلەر اراسىندا استانا قالاسىنىڭ تۇرعىندارى كوپ نەكەلەسكەن, 1000 ادامعا شاققانداعى كەففيتسيەنت 7,46, ال ەڭ تومەنگى دەڭگەي تۇركىستان وبلىسىندا – 1000 ادامعا 5,55 بولدى, دەپ حابارلايدى inbusiness.kz سايتى.
ۇلتتىق ستاتيستيكا مالىمەتىنشە, وتباسىن قۇرعانداردىڭ ىشىندە ءبىرىنشى رەت نەكەگە تۇرعان ەرلەردىڭ ۇلەسى 78,2%, ايەلدەردە – 79,4%, اجىراسقاندار اراسىندا قايتا نەكەگە تۇرۋ ۇلەسى ەرلەردە 20,4%, ايەلدەردە 18,9% بولدى.
قالالىق جەرلەردە 80 مىڭ نەكە (66,2%), اۋىلدىق جەرلەردە 40,8 مىڭ نەكە (33,8%) تىركەلدى.
العاش رەت نەكەگە تۇرعانداردىڭ ورتاشا جاسى ەرلەر ءۇشىن 27,8 جاس, ايەلدەر ءۇشىن 25,2 جاس بولدى.
تىركەلگەن نەكەلەردىڭ 82,3% مونوەتنيكالىق, ياعني ءبىر ۇلت اراسىنداعى جۇپتاردىڭ وتاسۋى, ال قالعان 17,7% – ەتنوسارالىق.
اجىراسۋعا كەلەتىن بولساق, ولاردىڭ سانى 2022 جىلمەن سالىستىرعاندا 9,6% ازايىپ, 40,2 مىڭدى قۇرادى. قالالىق جەرلەردە 29,4 مىڭ اجىراسۋ (73,1%), اۋىلدىق جەرلەردە 10,8 مىڭ اجىراسۋ (26,9%) تىركەلگەن.
اجىراسۋدىڭ جالپى كوەففيتسيەنتى 2,02 قۇرادى (1000 ادامعا شاققاندا). اجىراسۋدىڭ ەڭ جوعارى دەڭگەيى شقو-دا – 1000 ادامعا شاققانداعى كوەففيتسيەنت 3,14, تۇركىستان وبلىسىندا ەڭ تومەن – 1000 ادامعا 0,89. وسىلايشا, 2023 جىلى 1000 نەكەگە 333 اجىراسۋدان كەلگەن (2022 ج. – 347).
نەكە ۇزاقتىعى بويىنشا اجىراسۋلاردىڭ ەڭ كوپ ۇلەسى (34,9%) نەكەدە 1-4 جىل ءومىر سۇرگەن وتباسىلار اراسىندا, تاعى 26,7% 5-9 جىل بىرگە وتاسقاندار اراسىندا بولعان.
