رەسمي مالىمەت بويىنشا, 10 ساۋىردە ۇقك جامبىل وبلىسى بويىنشا دەپارتامەنتى پوليتسيا دەپارتامەنتىنىڭ ىشكى قاۋىپسىزدىك باسقارماسىمەن بىرلەسىپ, تاراز قالالىق ءىىب كوشى-قون قىزمەتىنىڭ ەكى قىزمەتكەرىن ۇستادى.
- ولار زاڭسىز جۇرگەن شەتەل ازاماتتارىنا قامقورلىق جاساعانى ءۇشىن 500 مىڭ تەڭگە كولەمىندە پارا الدى دەگەن كۇدىككە ءىلىندى. ۇستالعاندار ۋاقىتشا ۇستاۋ يزولياتورىنا قامالدى. قىلمىستىق كودەكستىڭ “پارا الۋ” بابى بويىنشا سوتقا دەيىنگى تەرگەۋ امالدارى جۇرگىزىلۋدە, – دەلىنگەن حابارلامادا.
ۇلتتىق قاۋىپسىزدىك كوميتەتى قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە دە مالىمەتتەر جاريا ەتۋگە جاتپايتىنىن اتاپ ءوتتى.
ەسكە سالساق, وسىعان دەيىن جامبىل وبلىسىندا ەكى بىردەي پوليتسيا پودپولكوۆنيگى پارا الۋ كەزىندە قاماۋعا الىنعان.
