الەمدى فۋتبول ءانى الديلەپ تۇر

دۇيسەنبىدە فۋتبولدان افريكادا ءوتىپ جاتقان الەم چەمپيوناتىنىڭ ءتورتىنشى كۇنى, ە جانە F توبىنىڭ العاشقى ماچتارى ءوتتى. ولاردى كۇتپەگەن ناتيجەمەن اياقتالدى دەپ ايتا المايمىز. ە توبىندا جاپونيا كامەرۋندى 1:0 ەسەبىمەن ۇتسا, پاراگۆاي مەن يتا­ليا اراسىنداعى كەزدەسۋ 1:1 ەسەبى­مەن اياقتالدى. بۇل ماچتا قارسى­لاس­تار ءبىر-بىرىنە قارسى جاقسى ونەر كورسەتتى. قازىر وسى جەڭىلىس­تەن كەيىن كامەرۋننىڭ جاتتىعۋ بازاسىندا “اۋا رايىنىڭ” چەم­پيوناتقا كەلەردەگىدەن 180 گرادۋس­قا وزگەرگەنىن, ال ويىنشى­لاردىڭ كوڭىل-كۇيلەرى اركەلكى ەكەنىن باي­قاۋ­عا بولادى. مۇنى افريكا­لىق كوماندانىڭ بازاسىندا بولعان جانكۇيەرلەردىڭ ءبارى ايتۋدا. ەندى كامەرۋنعا كەلەسى اينالىمعا شىعۋ ءۇشىن دانيانى جەڭىپ, گوللانديا­نى نە ۇتىپ, نە ونىمەن تەڭ ءتۇسۋى كەرەك. سوندا عانا باسقا كوماندا­لاردىڭ ناتيجەلەرىنە قاراپ, 1/8 فينالعا شىعۋ مۇمكىندىگى بولادى. ال جاپونيا بولسا, كەلەسى اينا­لىمعا جولداما الۋعا ءبىر تابان جاقىن قالدى. كۇنشىعىس ەلى ءۇشىن كامەرۋنمەن وتكەن كەزدەسۋدەگى جەڭىس ەڭ ۇلكەن جەتىستىك بولىپ ەسەپتەلەتىنى ءسوزسىز. ويتكەنى, بۇل جاپونيانىڭ ءوز ەلىندە 2002 جىلى وتكىزگەن الەم چەمپيوناتىنان كەيىن وزگە مەملەكەتتەردە ءوتىپ جاتقان مۋنديالدەردە جەڭگەن العاشقى ماتچى بولىپ وتىر. ەندى پاراگۆاي مەن يتاليانىڭ كەزدەسۋىنە كەلسەك, بۇل ويىننىڭ باستالار الدىندا كوبىنىڭ بۇيرەگى الەم چەمپيوندارىنا بۇرعانى ءسوزسىز. دەگەنمەن, كەزدەسۋدە ءوڭتۇس­تىكامەريكالىقتار ولارعا وڭاي شا­عى­لاتىن جاڭعاق ەمەس ەكەندىك­تەرىن كورسەتتى. وسى ماتچتا يتا­ليا­نىڭ ويىنشىسى دجانلۋيدجي بۋف­فوننىڭ كەزدەسۋدىڭ ءبىرىنشى جارتى­سىندا قاقپانى فەدەريكو ماركەت­تيگە قالدىرىپ كەتكەنىن بىلەسىزدەر. كوماندانىڭ باس باپ­كەرى مارچەل­لو ليپپي كەزدەسۋ اياق­تالعان سوڭ, قاقپاشىنى رادي­كۋليت مازالاعانى, سول سەبەپتەن ونى الماستىرعانىن ايتتى. بىراق, بۇل ەندى بۋففون جارىستى ءارى قاراي جالعاستىرا المايدى دەگەن ءسوز ەمەس. ول 20 ماۋسىم كۇنى جاڭا زەلان­­ديامەن بولاتىن ويىنعا شىعادى. قازىر يتاليانىڭ قارسىلاس­تارى­مەن تەڭ ويناعانىنا بايلا­نىستى ءتۇرلى پىكىرلەر ايتىلۋدا. كەيبىرەۋلەر ونىڭ پاراگۆايمەن تەڭ تۇسكەنىن الەم چەمپيوندارىنا لايىق ەمەستىگىن ايتسا, باسقا بىرەۋ­­لەرى “سكۋادرا ادزۋرراننىڭ” ساپىندا اندرەا پيرلو, لۋكا توني سياقتى شەبەرلەردىڭ بولما­عانى يتاليانىڭ جاقسى ونەر كورسەتە الماۋىنا اسەر ەتتى دەۋدە. ال ليپ­پيدىڭ ءوزى الداعى ەكى ويىن­دا ءمىن­دەتتى تۇردە كوماندا­نىڭ جەڭىسكە جەتەتىنىنە سەنىمدى ەكەنىن بىلدىرۋدە. جالپى, وسى ماتچتان كەيىن دۋالى اۋىز جانكۇيەرلەر يتاليا­مەن بىرگە پاراگۆايدىڭ دا شيرەك فينالعا شىعۋ مۇمكىندىگى بار ەكەندىگىن ايتىپ ءجۇر. كىم ءبىلسىن, دوپ دومالاق قوي دەگەندەي, قۇرا­مىندا روكە سانتا كرۋز سياقتى شەبەرلەرى بار, ىرىكتەۋ تۋرنيرىندە جالعىز برازيليادان ءبىر ۇپاي عانا ارتتا قالىپ, الەم چەمپيوناتىنا ەكىنشى بولىپ جولداما العان كوماندانىڭ شيرەك فينالعا دەيىن دوپتى شىرەنە تەبۋلەرى ابدەن مۇمكىن. دۇيسەنبى كۇنى F توبىندا گول­لان­ديا مەن دانيا اراسىندا بول­عان جالعىز ويىندا العاشقى اۆتو­گول تىركەلدى. دانيالىق قورعاۋشى ديمون پوۋلسەن ءوز قاقپاسىنا ابايسىزدا دوپ سوعىپ الدى. ال كەزدەسۋدىڭ ءوزى 2:0 ەسەبىمەن گوللان­ديالىقتاردىڭ پايداسىنا شەشىل­دى. بۇل ماتچتا قۇرامىندا قاقپاشى ميحەل ۆورم, ۋەسلي سنەيدەر, ارەن روببەن, رافاەل ۆان دەر ۆارت, يبرايم افەللاي, ديرك كەيت, روبين ۆانپەرسي سياقتى شە­بەر­لەرى بار گوللانديا كومان­دا­سىنىڭ قارسىلاستارىنان باسىم تۇسپەۋى مۇمكىن ەمەس ەدى. ايتقان­داي, وسى ويىننان كەيىن گوللان­ديا­نىڭ قاقپاشىسى ميحەل ۆورم­نىڭ زايىبى دۇنيەگە شەكەسى تور­سىقتاي ۇل اكەلدى. كەشە قاقپاشى باس باپكەرىنەن سۇرانىپ وتانىنا اتتانىپ كەتتى. ەكى كۇنگە رۇقسات العان ۆورم 17 ماۋسىم كۇنى كو­مان­دانىڭ ساپىنا قايتا قوسىلا­دى. سول كۇنى گوللانديا مەن جاپونيا اراسىندا كەزدەسۋدىڭ وتەتىنى بەلگىلى. الەم چەمپيوناتىنىڭ ءتورتىن­شى كۇنىن قورىتىندىلاساق, مۋن­ديالدە قازىر ماچتاردىڭ ءبارى قىزىقتى دا تارتىمدى ءوتىپ جات­قا­نى­مەن, قار­سىلاستار قاقپاسىنىڭ قۇلپىن بۇزاتىن ويىنشىلاردىڭ ءالى دە ازداۋ ەكەنى كورىنىپ تۇر. ونى ءبىر جاعىنان كوماندالار اراسىنداعى باسەكەنىڭ جىل سايىن ارتىپ كەلە جاتقانىمەن باي­لا­نىس­­تىرۋعا بولا­دى. دەسەك تە, بيىل­­عى جارىستا مەر­گەندىگىمەن كوزگە تۇسەتىن شەبەرلەر­دىڭ توبە كورسەتەتىنىنە سەنگىمىز كەلە­دى. وسى ورايدا كەيبىر مامان­دار مۋن­ديال­دىڭ باس مەرگەنى گەرمانيا­نىڭ شابۋىلشىسى ميرو­سلاۆ كلوزە بولادى دەسە, باسقالارى ار­گەن­تينالىق ليونەل مەسسي, يسپا­نيالىق فەرناندو توررەس, برازي­ليا­لىق ويىنشىلاردىڭ ءبىر-ەكەۋى بولادى دەگەن پىكىر بىلدىرۋدە. وسى­لاردىڭ ىشىندە الەم چەم­پيونات­تارى تاري­حىندا 15 دوپتىڭ اۆتورى اتانعان برازيليالىق رونالدو, قار­سىلاستار قاقپاسىن 13 رەت قاپى­­­دا قالدىرعان فرانتسۋز جيۋست فونتەن­نەن كەيىن, مەرگەندەر ءتىزى­مىندە 11 دوپ سوعىپ, ۆەنگر شان­دور كوچين مەن وتانداسى يۋرگەن كلينس­ماننمەن بىرگە تۇرعان م.كلو­­زەنىڭ باسقالارعا قاراعاندا ءمۇم­كىندىگى كوپ دەۋگە بولادى. ول 2002 جىلى بەس رەت دوپ سوعىپ, الەم چەمپيوناتىنىڭ ۇزدىك مەرگەنى اتانعان. سونىمەن بىرگە قازىر ويىندار­دىڭ سىرتىندا بۋكمەكەرلىك كەڭسە­لەردە بيىلعى باسەكەنى قاي ەلدىڭ جەڭىپ الاتىنى تۋرالى پىكىر­تالاس­تاردىڭ ارا-تۇرا باس قىلتيتىپ ءجۇر­گەنىن اتاپ وتكەنىمىز ءجون. ولار­­دىڭ كوبىندە وسى جىلعى چەم­پيوناتتى برازيليا, ارگەنتي­نا, يسپانيا نەمەسە گەرمانيا قۇرا­ما­لارىنىڭ بىرەۋى جەڭىپ الۋى ءمۇم­كىن دەگەن بولجامدار جاسالۋدا. ال بۋكمەكەرلىك كەڭسەگە ستاۆكا قوي­ماسا دا ايگىلى پەلە قازىر برا­زي­ليا مەن يسپانياعا تەڭ كەلەتىن ەشكىم جوق دەسە, پورتۋگاليانىڭ اتاقتى فۋتبولشىسى ەيسەبيو يس­پانياعا ءباس تىگەتىنىن, ال يسپانيا­نىڭ باس باپكەرى ۆيسەنتە دەل بوس­كە ارگەن­تينا مەن گەرمانيا­نىڭ الەم چەم­پيوناتىن جەڭىپ الۋعا مۇمكىندىگى كوپ ەكەنىن ايتۋدا. بيىلعى مۋنديالگە قاتىستى تاعى مىنا نارسەنى اتاپ وتپەسكە بولمايدى. چەمپيوناتتا ۆۋۆۋزەل دەگەن افريكالىقتاردىڭ ۇلتتىق اسپابىنىڭ شۋىنا باپكەرلەر مەن فۋتبولشىلاردىڭ كوبى قارسىلىق بىلدىرۋدە. باپكەرلەردىڭ ايتۋىنشا, بۇل اسپاپتىڭ ىزىڭى ويىنشىلار­دىڭ جاتتىعۋىنا, ماتچ كەزىندە ءبىر-بىرىمەن سويلەسۋىنە, باپكەرلەردىڭ كەڭەس بەرۋىنە كەدەرگى كەلتىرۋدە. وسىعان بايلانىستى ولار فيفا پرەزيدەنتى يوزەف بلاتتەر ۆۋۆۋ­زەل­گە تىيىم سالۋ تۋرالى حات جول­داعانىندا دۇنيەجۇزىلىك فۋتبول فەدەراتسياسىنىڭ باسشىسى بۇل افريكالىقتاردىڭ ءتول اسپابى, ول الەم چەمپيوناتىنىڭ ءبىر بەلگىسى ەكەنىن ايتىپ, ولارعا قاناعات­تانارلىقسىز جاۋاپ قايتارىپتى. داستان كەنجالين.